ନୟାଗଡ଼: ରୋଗୀ ପିଛା ୩୦୦ ଟଙ୍କା ଫିସ୍ ନେଇ ସରକାରୀ କ୍ବାର୍ଟରରେ କ୍ଲିନିକ ଚଳାଉଥିଲେ ଶିଶୁରୋଗ ବିଶେଷଜ୍ଞ । ଅଚାନକ ଚଢାଉ କଲା ସିଡିଏମଓ । ଏଭଳି ଏକ ଦୁଃସାହାସିକ ଘଟଣା ଦେଖିବାକୁ ମିଳିଛି ନୟାଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟ ପରିସରରେ ।
ସରକାରୀ କ୍ୱାର୍ଟରରେ କ୍ଲିନିକ ଚଳାଉଥିଲେ ଶିଶୁରୋଗ ବିଶେଷଜ୍ଞ, ଚଢ଼ାଉ କଲା CDMO
ସୂଚନାଅନୁସାରେ, ନୟାଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟର ଶିଶୁରୋଗ ବିଶେଷଜ୍ଞ ଡାକ୍ତର ଆଶିଷ ଦୀକ୍ଷିତଙ୍କ ରୋଗୀ ସେବା ସମୟରେ ଏପରି ଭାବେ ବେପାର ଚଳାଇଥିବାବେଳେ ଆଜି ତାଙ୍କ କ୍ଲିନିକ ଉପରେ ଚଢ଼ାଉ କରିଥିଲେ ସିଡିଏମ୍ଓ । ରୋଗୀ ପିଛା ନେଉଥିଲେ ୩ଶହ ଟଙ୍କା । ତେବେ ଏନେଇ ଖବର ପାଇ ନୟାଗଡ଼ ସିଡିଏମଓ ଅଚାନକ ଚଢ଼ାଉ କରିଥିଲେ l ଉକ୍ତ କ୍ଲିନିକରେ କାର୍ଯ୍ୟରତ ଡାକ୍ତରଙ୍କ ୨ ବ୍ୟକ୍ତିଗତ ସହଯୋଗୀଙ୍କୁ ମେଡିକାଲ ଫାଣ୍ଡିରେ ଅଟକ ରଖିଛି ପୋଲିସ । ଏନେଇ ସିଡିଏମଓ କୌଣସି ପ୍ରତିକ୍ରିୟା ମିଳିପାରିନାହିଁ ।
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
