ନୟାଗଡ : ଶରଣକୂଳ ଥାନା ଗୋଡିପଡାର ଏକ ଢାବା ଉପରେ ବୋମାମାଡ। ବୁଧବାର ବିଳମ୍ବିତ ରାତିରେ ଏକ ବୋଲେରୋରେ ଆସି 7-8 ଜଣ ଦୁର୍ବୃତ୍ତ ଆସି ମା ଦକ୍ଷିଣକାଳୀ ଢାବାରେ ଖାଇବା ମାଗିଥିଲେ । ଏତେ ରାତିରେ ଖାଦ୍ୟ ମିଳିବ ନାହିଁ ବୋଲି କହିବାରୁ ଏଥିରେ ଉତକ୍ଷିପ୍ତ ହୋଇଯାଇଥିଲେ ସମସ୍ତେ ।
ଭିଡିଓ ସୌଜନ୍ୟ : ପ୍ରତିନିଧି,ନୟଗଡ
ରାଗରେ ଲୁହା ରଡରେ ରୋଷେୟାଙ୍କୁ ମାଡ ମାରିଥିଲେ । ସେ ଆହତ ଅବସ୍ଥାରେ ଜୀବନ ନେଇ ଦୌଡି ପଳାଇଥିଲେ । ଏହାପରେ ଦୁର୍ବୃତ୍ତମାନେ ଢାବା ଭିତରେ ପଶି କ୍ୟାସ ବାକ୍ସ ଭାଙ୍ଗି 8 ହଜାର ଟଙ୍କା ଲୁଟି ନେବାସହ ଟିଭି ଭାଙ୍ଗିଦେଇଥିଲେ ।
ଯିବା ସମୟରେ ଢାବା ଉପରକୁ 2ଟି ବୋମାମାଡ କରିଚାଲିଯାଇଥିଲେ । ଫଳରେ ଢାବା ମାଲିକଙ୍କ ଗୋଟିଏ କାର ଏବଂ ବାଇକ ନଷ୍ଟ ହୋଇଯାଇଛି । ଶରଣକୂଳ ପୋଲିସ ଘଟଣାର ତଦନ୍ତ କରୁଛି । ଘଟଣାସ୍ଥଳରୁ ପୋଲିସ 2ଟି ଅଫୁଟା ବୋମା ମଧ୍ୟ ଜବତ କରିଛି ।
ନୟାଗଡରୁ ଉତ୍ପଳ ସାହୁ,ଇଟିଭି ଭାରତ
