ନୟାଗଡ: ଆଜି ଭାପୁର ବ୍ଲକରେ ଅଧ୍ୟକ୍ଷ ଉପନିର୍ବାଚନ। ନୟାଗଡ଼ ଜିଲ୍ଲା ଭାପୁର ବ୍ଲକ ଅଧ୍ୟକ୍ଷ ପଦବୀ ପାଇଁ ଆଜି ବ୍ଲକ କାର୍ଯ୍ୟାଳୟ ପରିସରରେ ଉପନିର୍ବାଚନ ଅନୁଷ୍ଠିତ ହେବ। ଏହି ହାଇପ୍ରୋଫାଇଲ ନିର୍ବାଚନ ପାଇଁ ବ୍ଲକ ପରିସର ସହ ବଜାରରେ ଆଜି(ମଙ୍ଗଳବାର) ସକାଳ ୮ ଠାରୁ ୧୪୪ ଧାରା ଲାଗୁ କରାଯାଇଛି।
ବ୍ଲକର ପୂର୍ବତନ ଅଧକ୍ଷା ବ୍ଲକ ଉପାଧକ୍ଷ ଗୟାଧର ପରିଡା ଜାଲ ଦସ୍ତଗତରେ 80 କୋଟି ଟଙ୍କା ହଡପର ସଙ୍ଗୀନ ଅଭିଯୋଗ ଆଣିଥିଲେ । ଏହା ପରେ ଗତ ଅଗଷ୍ଟ ୧୭ ତାରିଖରେ ବ୍ଲକ ଅଧକ୍ଷା ଶାନ୍ତିଲତା ବେହେରା ଅନାସ୍ଥା ଭୋଟରେ ହାରି ପଦ ହରାଇଥିଲେ । ଏହା ପରେ ଏହି ପଦ କିଛିଦିନ ଧରି ଖାଲି ପଡିଥିଲା ।
ଏହି ଆଧାରରେ ଉପନିର୍ବାଚନ ପାଇଁ ରାଜ୍ୟ ନିର୍ବାଚନ କମିଶନର ଅକ୍ଟୋବର ୫କୁ ଦିନ ଧାର୍ଯ୍ୟ କରିଥିଲେ । ଏନେଇ ଗତ ମାସ ୨୭ରେ ବିଜ୍ଞପ୍ତି ପ୍ରକାଶ ପାଇଥିଲା। ଆଜି ୧୦ଟାରୁ ୧୧ଟା ମଧ୍ୟରେ ନାମାଙ୍କନ ପାଇଁ ଫର୍ମ ଆବେଦନ ସହ ନାମାଙ୍କନ ୧୧ଟା ରୁ ୧୧ଟା୩୦ ମଧ୍ୟରେ ଯାଞ୍ଚ ହେବ । ୧୨ଟା ମଧ୍ୟରେ ନାମାଙ୍କନ ପ୍ରତ୍ୟାହାର କରିପାରିବେ। ୧୨ଟା ୩୦ରୁ ୨ଟା ମଧ୍ୟରେ ଆବଶ୍ୟକ ପଡ଼ିଲେ ଭୋଟ ହେବ ।
ନୟାଗଡ଼ରୁ ଜୟେନ୍ଦ୍ର ବେହେରା,ଇଟିଭି ଭାରତ
