ନୟାଗଡ: ଦଶପଲ୍ଲାରୁ ପୁରୀକୁ ରଥ କାଠ ନେଇ ଯାଇଥିବା ବେଳେ ଅଘଟଣ । ପୁରୀ ରଥଖଳାରେ ଟ୍ରକରୁ କାଠ କାଢୁଥିବା ସମୟରେ ଏକ କାଠ ଗାଡି କାଠ କାରିଗର ମାନସ ପ୍ରଧାନଙ୍କ ଉପରେ ପଡିଥିଲା । ଫଳରେ ତାଙ୍କର ଗୋଡ ଭାଙ୍ଗିଯାଇଥିଲା । ତାଙ୍କ ଅବସ୍ଥା ସଙ୍କଟାପନ୍ନ ହେବାରୁ ତାଙ୍କୁ କଟକ ନେଇ ଯାଇଥିଲେ । ସେଠାରେ ତାଙ୍କର ମୃତ୍ୟୁ ହୋଇଥିବା ସୂଚନା ମିଳିଛି ।
ମାନସ ଦଶପଲ୍ଲା ଅଞ୍ଚଳର ଜଣେ ଜଣାଶୁଣା କାଠ କାରିଗର ଥିଲେ । ତାଙ୍କ ମୃତ୍ୟୁରେ ଦଶପଲ୍ଲାରେ ଶୋକର ଛାୟା ଖେଳିଯାଇଛି । ସେ ଅଳ୍ପ ଦିନ ତଳେ ବିବାହ କରିଥିଲେ ଓ ତାଙ୍କର ଗୋଟେ ପାଞ୍ଚ ମାସର ପୁଅ ଅଛି । ସେ ଘରର ଏକମାତ୍ର ରୋଜଗାରକ୍ଷମ ବ୍ୟକ୍ତି ହୋଇଥିବାରୁ ତାଙ୍କ ପରିବାରକୁ ତୁରନ୍ତ ସହାୟତା ପ୍ରଦାନ କରିବା ପାଇଁ ଦାବି ହୋଇଛି ।
ନୟାଗଡରୁ ଉତ୍ପଳ ସାହୁ, ଇଟିଭି ଭାରତ
