ନୟାଗଡ: ଜିଲ୍ଲା ଖଣ୍ଡପଡା ଏନଏସିରେ ବିଭିନ୍ନ ବ୍ୟବସ୍ଥାକୁ ନେଇ ବ୍ୟାପକ ଦୁର୍ନୀତି ହୋଇଥିବା ଅଭିଯୋଗ ହୋଇଛି । ଏନେଇ ଏନଏସି କାର୍ଯ୍ୟାଳୟ ସମ୍ମୁଖରେ ଗଣ ଧାରଣା ଦେଇଛନ୍ତି ଅଭିଯୋଗକାରୀ ।
ବାହର ଲୋକ ଆସି ଖଣ୍ତପଡା ଏନଏସିରେ ଜାଗା ନେଇ ରହୁଛନ୍ତି । ଯୋଗ୍ୟ ହିତାଧିକାରୀ ବଦଳରେ ଅନ୍ୟ ଲୋକଙ୍କୁ ଜାଗା ଦିଆଯାଉଛି । ଖାଲି ସେତିକି ନୁହେଁ ରାସନ ଘୋଟଲା, ଜମି ପଟ୍ଟା ପ୍ରଦାନରେ ଅନିୟମିତତା, ଆବାସ ଯୋଜନାରେ ପକ୍କାଘର ପ୍ରଦାନରେ ମଧ୍ୟ ଅନିୟମିତତା ହୋଇଥିବା ଅଭିଯୋଗ ହୋଇଛି ।
ଏନ୍ଏସି କର୍ମଚାରୀମାନଙ୍କ ସମ୍ପର୍କୀୟଙ୍କ ନାମରେ ପ୍ରଧାନମନ୍ତ୍ରୀ ଆବାସ ଯୋଜନାରେ ବାସଗୃହ ଦିଆଯାଉଥିବା ମଧ୍ୟ ଅଭିଯୋଗ ହେଇଛି । ଲାଞ୍ଚ ନେଇ ବିଭାଗୀୟ ଅଧିକାରୀ ଏପରି କରୁଥିବା ଅଭିଯୋଗ କରି ପୂର୍ବତନ କାଉନସିଲର ସରୋଜ କୁମାର ପ୍ରଧାନଙ୍କ ନେତୃତ୍ବରେ ଏନଏସି କାର୍ଯ୍ୟାଳୟ ଆଗରେ ଗଣଧାରଣା ଦେଇଛନ୍ତି । ଏହି ସମସ୍ତ ଅଭିଯୋଗର ତଦନ୍ତ ସହ ର୍ଦୁନୀତିର ପର୍ଦ୍ଦାଫାସ ନହେବା ପର୍ଯ୍ୟନ୍ତ ଗଣଧାରଣା ଚାଲୁ ରହିବ କହିଛନ୍ତି ଆନ୍ଦୋଳନକାରୀ ।
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
