ନୟାଗଡ଼: ରାଲିରେ ଯୋଗଦେବା ପାଇଁ ଟଙ୍କା ବାଣ୍ଟୁଛି ବିଜେପି । ଏହି ଭିଡ଼ିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ମମିତା ମର୍ଡର ମାମଲା ପାଇଁ ରାଲିରେ ଯୋଗ ଦେବା ପାଇଁ କର୍ମୀମାନଙ୍କୁ ବିଜେପି ନେତା ଟଙ୍କା ବାଣ୍ଟୁଛନ୍ତି ବୋଲି ଅଭିଯୋଗ ହୋଇଛି ।
ରାଲି ପାଇଁ ବିଜେପି ଟଙ୍କା ବାଣ୍ଟୁଥିବା ଅଭିଯୋଗ
ଯାହାକୁ ନେଇ ଖୁବ ଆଲୋଚନା ହେଉଛି । ଖୋର୍ଦ୍ଧା-ବଲାଙ୍ଗୀର 57 ନମ୍ବର ଜାତୀୟ ରାଜପଥର ନୟାଗଡ଼ ନିକଟରେ ବିଜେପି ପାର୍ଟି ଅଫିସ ନିକଟରେ ଟଙ୍କା ବଣ୍ଟାଯାଉଥିବା ଘଟଣା ସାମ୍ନାକୁ ଆସିଛି । ମମିତା ମର୍ଡର ମାମଲାକୁ ନେଇ ବିଜେପି ସାରା ରାଜ୍ୟର ପ୍ରତି ଜିଲ୍ଲାରେ ଆନ୍ଦୋଳନ କରୁଥିବା ବେଳେ ନୟାଗଡରେ ଲୋକଙ୍କୁ ଟଙ୍କା ଦେଇ ବିଜେପି ରାଲି ପାଇଁ ଲୋକ ଯୋଗାଡ଼ କରୁଥିବା ହୋଇଛି ଅଭିଯୋଗ ।
ବିଜେପି ମନ୍ତ୍ରୀ କ୍ୟାପଟେନ ଦିବ୍ୟଶଙ୍କର ମିଶ୍ରଙ୍କ ଇସ୍ତଫା ଦାବି କରିଥିବା ବେଳେ ମମିତାଙ୍କୁ ଯଥାଶୀଘ୍ର ନ୍ୟାୟ ଦେବା ପାଇଁ ମଧ୍ୟ ଦାବି କରିଛି । ଏହାସହିତ ଘଟଣାର CBI ତଦନ୍ତ କରାଯାଉ ବୋଲି କହିଛି ବିଜେପି ।
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
