ନୟାଗଡ: ପଥର ଖଣିରେ ଅଘଟଣ । କାମ କରୁଥିବା ସମୟରେ ପଥରେ ଖଣିରେ ଚାପି ହୋଇ ଯୁବକଙ୍କ ମୃତ୍ୟୁ । ଏଭଳି ଅଭାବନୀୟ ଘଟଣା ଘଟିଛି ନୟାଗଡ଼ ଶରଣକୁଳ ଥାନା ପୁଆଣିଆ ଗାଁ ନିକଟ ପଥରଖଣିରେ । ମୃତ ଯୁବକ ଜଣକ ହେଉଛନ୍ତି କଟକ ଜିଲ୍ଲା ନରସିଂହପୁର ଗାଁର ସୁଶାନ୍ତ ଦାସ । ସୁଶାନ୍ତ ପୁଆଣିଆ ପଥର ଖଣିରେ ଶ୍ରମିକ ଭାବେ କାର୍ଯ୍ୟ କରୁଥିଲେ ।
ପଥର ଖଣିରେ ଅଘଟଣ : ପଥରରେ ଚାପି ହୋଇ ଯୁବକ ମୃତ
ତେବେ ସବୁଦିନ ପରି ଆଜି ମଧ୍ୟ ସକାଳୁ କାମ କରୁଥିବା ବେଳେ ହଠାତ ସୁଶାନ୍ତଙ୍କ ଉପରେ ପଥର ଧସିହୋଇ ପଡିଥିଲା । ଏହାପରେ ତାଙ୍କୁ ଗୁରୁତର ଅବସ୍ଥାରେ ଜିଲ୍ଲା ମୁଖ୍ୟଚିକିତ୍ସାଳୟରେ ଭର୍ତ୍ତି କରାଯାଇଥିଲା । କିନ୍ତୁ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ । ତେବେ ବର୍ଷା ଯୋଗୁଁ ପଥର ଧସିହୋଇ ପଡିଥିବା ସନ୍ଦେହ କରାଯାଉଛି । ଖବରପାଇ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
ନୟାଗଡରୁ ଜୟେନ୍ଦ୍ର ବେହେରା, ଇଟିଭି ଭାରତ
