ନୟାଗଡ: ପଣ୍ଡ ହେଲା ଧଳାଜହର କାରବାର। ଧଳା ଜହରର ଜାଲରୁ ଜିଲ୍ଲାକୁ ସୁରକ୍ଷା ଦେବାକୁ ଅଣ୍ଟା ଭିଡିଛି ନୟାଗଡ ପୋଲିସ । ଶୁକ୍ରବାର ସହରାଞ୍ଚଳ ଥାନା ଦୁଇଜଣଙ୍କଠାରୁ 9.5ଗ୍ରାମର ବ୍ରାଉନସୁଗାର ଜବତ କରିଛି।
9.5 ଗ୍ରାମର ବ୍ରାଉନସୁଗାର ଜବତ
ସୂଚନାଅନୁସାରେ, ଖୋର୍ଦ୍ଧା ଜିଲ୍ଲା ବୋଲଗଡ଼ ଥାନା ମାଣିକାଗୋଡ଼ା ଗାଁ ର ଅବ୍ଦୁଲ ତାୟବ ଖାଁ ଏବଂ ମିର ଅତୁଲ୍ଲା ଧଳାଜହର କାରବାରରେ ସଂପୃକ୍ତ ଥିଲେ। ନୟାଗଡ ପୋଲିସ ସୋମନଙ୍କଠାରୁ 9.5ଗ୍ରାମର ବ୍ରାଉନସୁଗାର ଜବତ କରିବା ସହିତ ଦୁଇଜଣଙ୍କୁ ଗିରଫ କରିଛି। ଉଭୟଙ୍କୁ ନୟାଗଡ଼ ଘଦୁଆଳ ସତସଙ୍ଗ ବିହାର ନିକଟରୁ କାବୁ କରିଥିବା ଜଣାପଡିଛି।
ସେମାନଙ୍କଠାରୁ ଗୋଟିଏ ପଲସର ଗାଡି ବି ଜବତ ହୋଇଛି। ଜବତ ବ୍ରାଉନସୁଗାରର ମୂଲ୍ୟ ପଚାଶ ହଜାରରୁ ଅଧିକ ହେବ ବୋଲି ଅନୁମାନ କରାଯାଇଛି। ତେବେ ବ୍ରାଉନସୁଗାର ହେଉ କି ଅନ୍ୟ କିଛି ନିଶା ଦ୍ରବ୍ୟ, ଯେଉଁମାନେ ଏଥିରେ ସମ୍ପୃକ୍ତ ଥିବେ ସେମାନଙ୍କ ଉପରେ ପୋଲିସ କଡା କାର୍ଯ୍ୟାନୁଷ୍ଠାନ ନେବ ବୋଲି ସୂଚନା ଦେଇଛି ନୟାଗଡ ପୋଲିସ।
ନୟାଗଡରୁ ଜୟେନ୍ଦ୍ର ବେହେରା,ଇଟିଭି ଭାରତ
