ନବରଙ୍ଗପୁର: କାନ୍ଥ ଭାଙ୍ଗି ଦୋକାନରୁ ଲକ୍ଷାଧିକ ଟଙ୍କାର ମୋବାଇଲ ଚୋରି । ଏଭଳି ଘଟଣା ଘଟିଛି ନବରଙ୍ଗପୁର ଜିଲ୍ଲା ଝରିଗାଁ ଥାନା ସଦର ମହକୁମା ଠାରେ । ଯେଉଁଠି ରାତ୍ର ସମୟରେ ଏକ ମୋବାଇଲ ଦୋକାନରେ ଚୋରି ହୋଇଥିବା ନେଇ ଝରିଗାଁ ଥାନାରେ ଅଭିଯୋଗ ହୋଇଛି ।
କାନ୍ଥ କଣା କରି ଦୋକାନରୁ ଲକ୍ଷାଧିକ ଟଙ୍କାର ଫୋନ ଚୋରି କଲେ ଦୁର୍ବୃତ
ସୁଚନା ଅନୁଯାୟୀ, ଝରିଗାଁ ମୁଖ୍ୟ ବଜାରଠାରେ ରହିଥିବା ଗୌରୀଶଙ୍କର ମୋବାଇଲ ଦୋକାନକୁ ରାତ୍ରରେ କିଛି ଦୁର୍ବୃତ୍ତ ଆସି ଦୋକାନ ପଛ ପଟ କାନ୍ଥକୁ ଭାଙ୍ଗି ଦୋକାନରୁ 20 ରୁ ଅଧିକ ମୂଲ୍ୟବାନ ମୋବାଇଲ ଚୋରି କରିଛନ୍ତି । ଯାହାର ମୂଲ୍ୟ ଏକ ଲକ୍ଷ ଟଙ୍କା ଉପରେ ହେବ ବୋଲି ଅଭିଯୋଗ କରିଛନ୍ତି ଦୋକାନୀ । ମୋବାଇଲ ଚୋରି କରିବା ସହ ଦୁର୍ବୃତମାନେ ସିସିଟିଭ କ୍ୟାମେରାର ହାର୍ଡ ଡିସ୍କ ମଧ୍ୟ ନେଇଯାଇଛନ୍ତି । ଖବର ପାଇ ଝରିଗାଁ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
ନବରଙ୍ଗପୁରରୁ ତପନ କୁମାର ବିଷୋୟି, ଇଟିଭି ଭାରତ
