ନବରଙ୍ଗପୁର: ନବରଙ୍ଗପୁର ଅମାନିଆଙ୍କ ଠାରୁ ଜୋରିମାନା ଆଦାୟ କଲେ ତହସିଲଦାର । ଅମାନିଆଙ୍କ ଠାରୁ ଜୋରିମାନା ଆଦାୟ କଲେ ତେନ୍ତୁଳିଖୁଣ୍ଟି ତହସିଲଦାର ପ୍ରଦୀପ କୁମାର କର । କୋରୋନା ଭୂତାଣୁର ରକ୍ଷା ପାଇବା ପାଇଁ ସାମାଜିକ ଦୂରତା ଓ ମାସ୍କ ବ୍ୟବହାର କରିବାକୁ ସରକାର ବାଧ୍ୟତାମୂଳକ କରିଛନ୍ତି । ସେହିପରି ସାମାଜିକ ଦୂରତା ବଜାଇ ରଖିବା ପାଇଁ ବାଇକରେ 2ଜଣ ନବୁଲିବାକୁ ନିର୍ଦ୍ଦେଶ ମଧ୍ୟ ରହିଛି । କିନ୍ତୁ ଏହି ନିୟମକୁ ଉଲ୍ଲଂଘନ କରି ବାହାରେ ବୁଲୁଥିବା କେତେକ ବାଇକ ଚାଳକଙ୍କ ଠାରୁ ମଙ୍ଗଳବାର ତେନ୍ତୁଳିଖୁଣ୍ଟି ତହସିଲଦାର ଜୋରିମାନା ଆଦାୟ କରିଛନ୍ତି ।
ତେନ୍ତୁଳିଖୁଣ୍ଟି ତହସିଲଦାର ପ୍ରଦୀପ କୁମାର କର, ଅତିରିକ୍ତ ତହସିଲଦାର ରାମ ଗୋବିନ୍ଦ ପରିଡ଼ା, ଥାନା ଅଧିକାରୀ ପରମାନନ୍ଦ ସୁନାନୀ ମଙ୍ଗଳବାର ନବରଙ୍ଗପୁର ଜିଲ୍ଲା ତେନ୍ତୁଳିଖୁଣ୍ଟି ବ୍ଲକର ଅଞ୍ଚଳ ଗୁମ୍ମା ଏସବିଆଇ ବ୍ୟାଙ୍କ ଠାରେ ଯାଇ ସାମାଜିକ ଦୂରତାର ଯାଞ୍ଚ କରିଥିଲେ । ଏଥିସହ କେତେକ କିରାଣୀ ଦୋକାନରେ ସାମାଜିକ ଦୂରତା ରକ୍ଷା କରୁନଥିବା, ବିନା ମାସ୍କରେ ବୁଲୁଥିବା ଓ ବାଇକରେ 2ଜଣ ବୁଲୁଥିବା ବାଇକ ଚାଳକଙ୍କ ଠାରୁ ଜୋରିମାନା ଆଦାୟ କରିଛନ୍ତି ।
କେତେକ ନିୟମ ଉଲ୍ଲଂଘନକାରୀ ବ୍ୟକ୍ତି ଏପରି ଭୁଲ ଆଉ କେବେ କରିବୁନି ଆମକୁ ଛାଡ଼ି ଦିଅନ୍ତୁ ବୋଲି ତହସିଲଦାରଙ୍କୁ ଗୁହାରି କରିଥିଲେ । କିନ୍ତୁ ତହସିଲଦାର ନିୟମ ସମସ୍ତଙ୍କ ପାଇଁ ସମାନ କହି ଜୋରିମାନା ଆଦାୟ କରି ନିୟମ ମାନିବାକୁ ତାଗିଦ କରିଥିଲେ । ଏହି ଅଭିଯାନ ଆଗକୁ ଜାରି ରହିବ ଏବଂ ସାଧାରଣ ଜନତା ଏହି ନିୟମକୁ ମାନିବାକୁ ବାଧ୍ୟ ବୋଲି ତହସିଲଦାର ଏବଂ ଥାନା ଅଧିକାରୀ ନିବେଦନ କରିଛନ୍ତି ।
ନବରଙ୍ଗପୁରରୁ ତପନ ବିଷୋୟୀ, ଇଟିଭି ଭାରତ
