ନବରଙ୍ଗପୁର: ଶେଷ ହୋଇଛି ନବଦିନାତ୍ମକ ଯାତ୍ରା । ଏନେଇ ରଥରେ ଭକ୍ତଙ୍କୁ ସୁନାବେଶରେ ଦର୍ଶନ ଦେଇଛନ୍ତି ଶ୍ରୀଜୀଉ । ତିନି ଠାକରଙ୍କୁ ବିଭିନ୍ନ ରତ୍ନ ଅଳଙ୍କାରରେ ଅଳଙ୍କୃତ କରାଯାଇଛି । ଆଉ ପ୍ରଭୁ ଜଗନ୍ନାଥ ବଡ଼ଠାକୁର ବଳଭଦ୍ର ଆଉ ମା ସୁଭଦ୍ରା ଏହି ରତ୍ନ ପରିଧାନ କରି ଭକ୍ତଙ୍କୁ ଦର୍ଶନ ଦେଇଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ନବରଙ୍ଗପୁର
ଶ୍ରୀଜୀଉଙ୍କ ଏହି ସୁନାବେଶର ଦର୍ଶନ ପାଇଁ ସହର ଠୁ ପଲ୍ଲୀ ସମସ୍ତ ଭକ୍ତ ଆସି ରଥରେ ପ୍ରଭୁଙ୍କ ଏହି ଦିବ୍ୟ ରୁପକୁ ଦର୍ଶନ କରି ଅପୂର୍ବ କୃପା ଲାଭ କରିଛନ୍ତି ।
ତେବେ ଜନସମାଗମକୁ ଦେଖି ପୋଲିସ ପ୍ରଶାସନ ପକ୍ଷରୁ ବ୍ୟାପକ ସୁରକ୍ଷା ବ୍ୟବସ୍ଥା କରାଯାଇଛି । ଯାହାଦ୍ବାରା ଭକ୍ତ ମାନେ ଶାନ୍ତି ଶୃଙ୍ଖଳାର ସହିତ ଶ୍ରୀଜୀଉଙ୍କ ଦର୍ଶନ ଲାଭ କରିଛନ୍ତି । ଏହାସହ ପ୍ରଭୁଙ୍କ ଅଧରପଣା ନୀତି ମଧ୍ୟ ସମ୍ପନ୍ନ ହୋଇଛି ।
ନବରଙ୍ଗପୁରରୁ ତପନ ବିଷୋୟୀ, ଇଟିଭି ଭାରତ
