ନବରଙ୍ଗପୁର: ନବରଙ୍ଗପୁର ଜିଲ୍ଲାର କୋଷାଗୁମୁଡା କୋଡିଗାଁ ଅଞ୍ଚଳର ମୋଟରଯାନ ଚାଳକ ଭାଇମାନଙ୍କର ପରିବାରର ଦୁର୍ଦ୍ଦଶା ଦିନକୁ ଦିନ ବଢି ଚାଲିଛି । ପରିବାରର ବୃଦ୍ଧ ପିତା ମାତା ଛୋଟ ଛୁଆଙ୍କୁ ଭୋକ ଉପାସରେ କାଳାତିପାତ କରିବାକୁ ପଡୁଛି ।
ବର୍ତ୍ତମାନ ସୁଦ୍ଧା ଚାଷୀ, କୁଲି, ମଜୁରିଆ, ରାଜମିସ୍ତ୍ରୀ ଆଦିଙ୍କ ପାଇଁ ସରକାର ଆର୍ଥିକ ସହାୟତାର ପ୍ୟାକେଜ ଘୋଷଣା କରିଦେଇଛନ୍ତି, କିନ୍ତୁ ଗାଡ଼ିଚାଳକ ମାନଙ୍କ ପାଇଁ କୌଣସି ବ୍ୟବସ୍ଥା କରାଯାଇ ନାହିଁ ।
ଏଣୁ ରାଜ୍ୟ ସରକାରଙ୍କର ପରିବହନ ବିଭାଗ ପକ୍ଷରୁ ତୁରନ୍ତ ଗାଡ଼ିଚାଳକ ମାନଙ୍କ ପାଇଁ ଆର୍ଥିକ ସହାୟତାର ପ୍ୟାକେଜ ଘୋଷଣା କରାଯାଉ ବୋଲି ନବରଙ୍ଗପୁର ଜିଲ୍ଲା ମୋଟର ଚାଳକ ସଂଘ ପକ୍ଷରୁ ଦାବିପତ୍ର ପ୍ରଦାନ କରାଯାଇଛି ।
ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ
