ନବରଙ୍ଗପୁର: କୋଡ଼ିଙ୍ଗା ଥାନା ହାଜତ ମୃତ୍ୟୁ ଅଭିଯୋଗ ମାମଲାରେ ଥାନା ଅଧିକାରୀ ପୁଷ୍ପେନ୍ଦ୍ର ସାଗର ନିଲମ୍ବିତ ହୋଇଛନ୍ତି । ହାଜତ ମୃତ୍ୟୁ ଘଟଣାରେ ଜଡିତ ଅଭିଯୋଗରେ ଡିଜିପି ଆରପି ଶର୍ମା ତାଙ୍କୁ ନିଲମ୍ବିତ କରିଛନ୍ତି । ଏ ସମ୍ପର୍କରେ ରାଜ୍ୟ ପୋଲିସ ମୁଖ୍ୟାଳୟ ପକ୍ଷରୁ ଆଜି ଏକ ପ୍ରେସ ବିବୃତ୍ତି ଯୋଗେ ସୂଚନା ଦିଆଯାଇଛି ।
ତଦନ୍ତ ନାଁରେ କୋଡିଙ୍ଗା ଥାନା ପୋଲିସ ଦୁଇ ଜଣଙ୍କୁ ଉଠେଇ ନେବା ଘଟଣାରେ ଜଣେ ଗୁରୁତର ଆହତ ହୋଇଥିବା ବେଳେ ଗୋବର୍ଦ୍ଧନ ବିନ୍ଧାଣୀ ମୃତ୍ୟୁବରଣ କରିଥିଲେ । ଏହି ଘଟଣାରେ ଗତକାଲି ଗ୍ରାମବାସୀମାନେ କୋଡ଼ିଙ୍ଗା ଥାନାରେ ବ୍ୟାପକ ଭଙ୍ଗାରୁଜା କରିଥିଲେ । ଏହା ସହ ସମ୍ପୃକ୍ତ ଥାନା ଅଧିକାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ଦାବି କରିଥିଲେ ।
ନବରଙ୍ଗପୁରରୁ ତପନ ବିଷୋୟୀ, ଇଟିଭି ଭାରତ
