ନବରଙ୍ଗପୁର: ସାପ କାମୁଡି ଦେବା ପରେ ସାପକୁ ଧରି ମେଡିକାଲରେ ପହଞ୍ଚିଲେ ଆକ୍ରାନ୍ତ । ଏପରି ଏକ ଘଟଣା ଘଟିଛି ନବରଙ୍ଗପୁରରେ । ସାପକାମୁଡିବା ପରେ ସାପକୁ ଧରି ବ୍ୟକ୍ତିଜଣକ ଡାକ୍ତରଖାନାରେ ପହଞ୍ଚିଥିବା ଦେଖିବାକୁ ମିଳିଛି ।
ସୂଚନା ଅନୁଯାୟୀ ଜିଲ୍ଲାର ଉମରକୋଟ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଦେଖିବାକୁ ମିଳିଥିଲା ଏକ ବିଚିତ୍ର ଦୃଶ୍ୟ । ନିଜ ଜମିରେ କାମ କରୁଥିବା ସମୟରେ ସୁଧାଂଶୁ ସିଲ(୩୫)ଙ୍କୁ ଏକ ନାଗସାପ କାମୁଡି ଦେଇଥିଲା । ସୁଧାଂଶୁ ସିଲ କାଳ ବିଳମ୍ବ ନକରି ବାଇକ୍ ଯୋଗେ ସାପକୁ ଧରି ପହଞ୍ଚି ଯାଇଥିଲେ ଉମରକୋଟ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ । ସୁଧାଂଶୁ ଧରିଥିବା ସାପକୁ ଦେଖି ମେଡିକାଲ କର୍ତ୍ତୃପକ୍ଷ କିଛି ସମୟ ପାଇଁ ଭୟବିତ ହୋଇଯାଇଥିଲେ । ତେବେ ଚିକିତ୍ସା ପରେ ସୁଧାଂଶୁ ବିପଦମୁକ୍ତ ଥିବା ଡ଼ାକ୍ତର ପ୍ରକାଶ କରିଛନ୍ତି ।
ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ
