ନବରଙ୍ଗପୁର: ଜିଲ୍ଲାରେ ଚାଷୀଙ୍କ ପିଛା ଛାଡୁନି ଦୁର୍ଦ୍ଧଶା । ଗୋଟିଏ ପରେ ଗୋଟିଏ ଦୁଃଖ ଚାଷୀଙ୍କ ମେରୁଦଣ୍ଡ ଦୋହୋଲାଇ ଦେଉଛି । ତେବେ ପୂର୍ବରୁ ଫୋନି ବାତ୍ୟାରେ ନଷ୍ଟ ଫସଲର କରଜ ଶୁଝିନଥିବା ଚାଷୀଙ୍କୁ ପୁଣି ଚିନ୍ତାରେ ପକାଇଛି ରୋଗ ପୋକ । ତେବେ ନବରଙ୍ଗପୁର ଜିଲ୍ଲା କୋଷାଗୁମୁଡା ବ୍ଲକର କୋଂଡେଙ୍ଗାରେ ହଜାର ହଜାରଏକର ଧାନଚାଷରେ ପୋକ ଲାଗି ନଷ୍ଟ ହୋଇଯାଇଛି । ଚାଷୀଙ୍କ କହିବା ଅନୁସାରେ ଧାର,ଉଧାର ରୁଣ ଆଣି ସେମାନେ ଏହି ଚାଷ କରିଛନ୍ତି । ବର୍ତ୍ତମାନ ରୋଗ ପୋକ ଦାଉରେ ଫସଲ ନଷ୍ଟ ହେବାକୁ ବସିଥିବା ବେଳେ ଋଣ କିଭଳି ପରିଶୋଧ କରିବେ ସେନେଇ ମୁଣ୍ଡରେ ହାତଦେଇ ବସିଛି ଚାଷୀ।
ଗତ କିଛିଦିନ ପୋକ ଲାଗିବାର ଚାଷୀ ଦେଖୀ କୃଷି ଅଧିକାରୀଙ୍କୁ ଜଣାଇଥିଲେ। ଔଷଧ ସିଞ୍ଚନ କଲେ ଏହାର ପ୍ରତିକାର ହୋଇପାରିବ ବୋଲି ଭାବୁଥିଲେ । କିନ୍ତୁ କୌଣସି ଔଷଧ କାମ କରୁନାହଁ । ଏପଟେ ରୋଗ ପୋକ ଦିନକୁ ଦିନ ହଜାର ହଜାର ଏକର ଧାନଚାଷ ନଷ୍ଟ କରୁଛନ୍ତି । ଏପଟେ ୧୫ ଦିନ ଭିତରେ ଗୁଡାଏ ଧାନଜମି ନଷ୍ଟ ହୋଇଗଲାଣି ।
ଏନେଇ କୃଷି ଅଧିକାରୀ ଓ ବିଡ଼ିଓଙ୍କୁ ଲିଖିତ ଅଭିଯୋଗ କରିଥିଲେ ମଧ୍ୟ କୌଣସି ଫାଇଦା ମିଳିନାହିଁ । ତେବେ ସରକାର ଏହାର ଉପରେ ତୁରନ୍ତ ନିଷ୍ପତ୍ତି ନେଇ ଆମମାନଙ୍କୁ କ୍ଷତି ପୂରଣ ଯୋଗାଇ ଦେଲ ଆମେ ରୁଣ ମୁକ୍ତ ହୋଇପାରିବୁ । ନହେଲେ ଆମ ପରିବାର ଭୋକ ଉପାସରେ ମରିଯିବ ବୋଲି ଚାଷୀମାନେ ଆକୁଳ ନିବେଦନ କରିଛନ୍ତି। ଏପଟେ ଘଟଣା ଉପରେ ଜିଲ୍ଲାପାଳ ଦୃଷ୍ଟି ଦେବା ପାଇଁ କୋଷାଗୁମୁଡା ବ୍ଲକର ବୁଦ୍ଧିଜୀବୀ ମାନେ ଅନୁରୋଧ କରିଛନ୍ତି ।
ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ
