ନବରଙ୍ଗପୁର: ଦୁର୍ଘଟଣା ପରେ ଛାଡି ଚାଲିଗଲେ ସାଙ୍ଗ । ଏମିତି ଏକ ଅଭାବନୀୟ ଘଟଣା ଘଟିଛି ନବରଙ୍ଗପୁର ଜିଲ୍ଲାରେ । ବନ୍ଧୁତ୍ବକୁ ନେଇ ଅନେକ ଉଦାହରଣ ଦେଖିବାକୁ ମିଳିଛି ହେଲେ ଉମରକୋଟ ବ୍ଲକ୍ କୁର୍ଷି ପଞ୍ଚାୟତର ଗାଡାଘାଟ ଗ୍ରାମରେ ଦେଖିବାକୁ ମିଳିଛି କିଛି ଅଜବ ଦୃଶ୍ୟ ।
ଦୁଇ ବନ୍ଧୁ ସୁବାଷ ପାଙ୍ଗି ଓ ସାନ୍ତା ଗୋଟିଏ ବାଇକ୍ ରେ ସକାଳ ସମୟରେ କୁର୍ସୀ ଆଡ଼କୁ ଯାଉଥିଲେ । କୁର୍ସୀ ପୋଲ ନିକଟରେ ଭାରସ୍ୟମ ହରାଇ ଦୁର୍ଘଟଣା ହୋଇଥିଲା । ଏଥିରେ ସାନ୍ତା ଆହତ ହୋଇ ଅଚେତ ହୋଇ ପଡ଼ିଥିଲେ । ତେବେ ସାନ୍ତାଙ୍କୁ ସେମିତି ଛାଡ଼ି ଯାଇଥିଲେ ବନ୍ଧୁ ସୁବାସ ।
କିଛି ସମୟ ପରେ ସାନ୍ତାଙ୍କ ପୁଅ ସେହି ରାସ୍ତା ଦେଇ ସ୍କୁଲକୁ ଯିବା ସମୟରେ ସାନ୍ତାଙ୍କୁ ଏପରି ଦେଖି ଜଣେ ଯୁବକଙ୍କ ସହାୟତାରେ ଉଦ୍ଧାର କରି କୁର୍ସୀ ପ୍ରାଥମିକ ସ୍ବାସ୍ଥ୍ୟ କେନ୍ଦ୍ରକୁ ନେଇ ଚିକିତ୍ସା କରାଇଥିଲେ। ଦୁର୍ଘଟଣା ପରେ ନିଜ ବନ୍ଧୁ ସେମିତି କ୍ଷତବିକ୍ଷତ ଅବସ୍ଥାରେ ଛାଡ଼ି ଯାଇଥିବା ଖବର ସ୍ଥାନୀୟ ଅଞ୍ଚଳରେ ଆଲୋଡନ ସୃଷ୍ଟି କରିଛି ।
ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ
