ନବରଙ୍ଗପୁର:ଶୁକ୍ରବାର ଜିଲ୍ଲାରେ ୩୩ ଜଣ କୋରୋନା ପଜିଟିଭି ଚିହ୍ନଟ ହୋଇଛନ୍ତି । ସେଥିମଧ୍ୟରୁ କୋଷାଗୁମୁଡା ବ୍ଲକ କୋଡ଼ିଙ୍ଗାରେ ୧୧ଜଣ ରହିଥିବା ଜଣାପଡିଛି ।
ଚିହ୍ନଟ ୧୧ ସଂକ୍ରମିତଙ୍କ ମଧ୍ୟରୁ କୋଡ଼ିଙ୍ଗା ଥାନାର 5 ଜଣ କୋଭିଡ ଯୋଦ୍ଧା ରହିଥିବା ଜଣାପଡିଛି । ଏହାପରେ କୋଡ଼ିଙ୍ଗା ଥାନା ପରିସରକୁ ସମ୍ପୂର୍ଣ୍ଣ ସାନିଟାଇଜ କରାଯିବା ସହ ଥାନାକୁ ୪୮ଘଣ୍ଟା ପାଇଁ ସିଲ କରାଯାଇଛି ।
ସମସ୍ତ ପଜିଟିଭିଙ୍କୁ ନବରଙ୍ଗପୁର ଜିଲ୍ଲା ମୁଖ୍ୟାଳୟରେ ଥିବା କୋଭିଡ ମେଡ଼ିକାଲରେ ଚିକିତ୍ସା ପାଇଁ ଭର୍ତ୍ତି କରାଯାଇଥିବା ନବରଙ୍ଗପୁର ଜିଲ୍ଲାପାଳ ସୂଚନା ଦେଇଛନ୍ତି । ନବରଙ୍ଗପୁର ଏସପି ନିତିନ କୁସଲକର କୋଡ଼ିଙ୍ଗା ଥାନା ପରିଦର୍ଶନ କରିବା ସହ ପୋଲିସ କର୍ମଚାରୀଙ୍କ ସହ ଆଲୋଚନା କରିଛନ୍ତି । ଥାନାର ଅନ୍ୟ ପୁଲିସ କର୍ମଚାରୀଙ୍କ ରାପିଡ୍ ଟେଷ୍ଟ କରାଯାଇଥିବା ଥାନା ଅଧିକାରୀ ସରିତା ମହାପାତ୍ର ସୂଚନା ଦେଇଛନ୍ତି । ବର୍ତ୍ତମାନ ଅସ୍ଥାୟୀ ଭାବେ ଥାନା ଗେଟ୍ ସମ୍ମୁଖରେ କାର୍ଯ୍ୟାଳୟ ଚାଲୁଛି । ଅନ୍ୟପଟେ ଆସନ୍ତା ୧୦ ତାରିଖ ଯାଏଁ କୋଡ଼ିଙ୍ଗା ଗ୍ରାମକୁ ଜିଲ୍ଲାପାଳ ସଟଡାଉନ୍ ଘୋଷଣା କରିଛନ୍ତି ।
ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ
