ନବରଙ୍ଗପୁର: ରାଜ୍ୟ କଂଗ୍ରେସ ପକ୍ଷରୁ ବିକ୍ଷୋଭ । ରାଜ୍ୟରେ କ୍ରମାଗତ ଭାବେ ବୃଦ୍ଧି ପାଉଥିବା ନାରୀ ନିର୍ଯାତନା, ନାବାଳିକା ଗଣଦୁଷ୍କର୍ମ, ଯୌନ ନିର୍ଯାତନା, ନାବାଳିକା ଓ ମହିଳାଚାଲାଣ ଶିଶୁ ନିର୍ଯାତନା ଏବଂ ଆଇନ ଶୃଙ୍ଖଳା ବିପର୍ଯ୍ୟସ୍ତ ହୋଇପଡିଥିବା ଅଭିଯୋଗରେ ଜିଲ୍ଲା କଂଗ୍ରେସ ତରଫରୁ ଜିଲ୍ଲାପାଳଙ୍କ କାର୍ଯ୍ୟାଳୟ ଘେରାଉ କରାଯାଇଥିଲା ।
ଏହାକୁ ନେଇ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ତିନି ଘଣ୍ଟିଆ ବିକ୍ଷୋଭ ପ୍ରଦର୍ଶନ କରାଯାଇଛି । ରାଜ୍ୟରେ କ୍ରମାଗତ ଭାବେ ନାରୀ ଓ ଶିଶୁଙ୍କ ପ୍ରତି ନିର୍ଯାତନା ବଢି ବଢି ଚାଲିଥିବା ବେଳେ କିନ୍ତୁ ସରକାର ନିରବ ଦ୍ରଷ୍ଟା ସାଜିଥିବା କଂଗ୍ରେସ ତରଫରୁ ଅଭିଯୋଗ କରାଯାଇଛି । ଅପରାଧୀ ଅପରାଧ କରି ଖସି ପଳାଇବାରେ ସକ୍ଷମ ହେଉଥିବାବେଳେ ଦୋଷୀ ଦଣ୍ଡ ପାଇପାରୁ ନଥିବା ଅଭିଯୋଗ କରିଛି କଂଗ୍ରେସ ।
ବିଧାନସଭାରେ ଏ ସମ୍ବନ୍ଧରେ ପ୍ରଶ୍ନ କରିଲେ ମଧ୍ୟ ବିଭାଗୀୟ ମନ୍ତ୍ରୀ ସନ୍ତୋଷଜନକ ଉତ୍ତର ରଖିପାରୁନଥିବା କଂଗ୍ରେସ ଅଭିଯୋଗ କରିଛି । ଏନେଇ ଜିଲ୍ଲା କଂଗ୍ରେସ ସଭାପତି ମୁନ୍ନା ତ୍ରିପାଠୀଙ୍କ ନେତୃତ୍ବରେ ଜିଲ୍ଲା କଂଗ୍ରେସ ତରଫରୁ କରାଯାଉଥିବା ପ୍ରତିବାଦ ସଭାରେ କଂଗ୍ରେସ କର୍ମୀ ସାମିଲ ହୋଇଥିଲେ ।
ନବରଙ୍ଗପୁରରୁ ତପନ ବିଷୋୟୀ, ଇଟିଭି ଭାରତ
