ନବରଙ୍ଗପୁର: ଜିଲ୍ଲା ରାଇଘର ତପନ କଲ୍ୟାଣ ମଣ୍ଡପ ଠାରେ ରାଇଘର ବ୍ଲକ ସାମ୍ବାଦିକଙ୍କ ଆନୁକୂଲ୍ୟରେ ଜିଲ୍ଲାସ୍ତରୀୟ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଯାଇଛି । ଏହି ଅବସରରେ ମୁଖ୍ୟ ଅତିଥି ଭାବେ ନବରଙ୍ଗପୁର ସାଂସଦ ରମେଶ ଚନ୍ଦ୍ର ମାଝୀ ଓ ସମ୍ମାନିତ ଅତିଥି ଭାବେ ଉମରକୋଟ ବିଧାୟକ ନିତ୍ୟାନନ୍ଦ ଗଣ୍ଡ,ଜିଲ୍ଲା ଓୟୁଜେ ସାମ୍ବାଦିକ ସଭାପତି ସୁଶାନ୍ତ କୁମାର ବେହେରା ପ୍ରମୁଖଙ୍କ ସହ ବହୁ ଲୋକପ୍ରତିନିଧି ଓ ସାମ୍ବାଦିକମାନେ ଯୋଗ ଦେଇଥିଲେ ।
ସାମ୍ବାଦିକମାନଙ୍କ ସୁରକ୍ଷା, ସାମ୍ବାଦିକ ବୀମା ୨ଲକ୍ଷକୁ ମହାରାଷ୍ଟ୍ର ରାଜ୍ୟ ଭଳି ୫ ଲକ୍ଷ ବୃଦ୍ଧି କରିବା ଓ ସାମ୍ବାଦିକ ମାନଙ୍କ ଅବସର ପରେ ସେମାନଙ୍କୁ ପେନସନ ଯୋଗାଇ ଦେବାକୁ ରାଜ୍ୟ ସରକାରଙ୍କୁ ବାରମ୍ବାର ଦାବି କରି ଆସୁଥିଲେ ମଧ୍ୟ ରାଜ୍ୟ ସରକାର କୈଣସି ପଦକ୍ଷେପ ନେଉନାହାନ୍ତି । ତେଣୁ ଏହି ସବୁ ଦାବି ଗୁଡ଼ିକୁ ବିଧାନସଭାରେ ଉପସ୍ଥାପନ କରିବାକୁ ବିରୋଧୀ ଦଳ ନେତା ତଥା ଉମରକୋଟ ବିଧାୟକ ନିତ୍ୟାନନ୍ଦ ଗଣ୍ଡକୁ ଜିଲ୍ଲା ସାମ୍ବାଦିକ ପକ୍ଷରୁ ଦାବି କରାଯାଇଛି । ଫଳରେ ବିଧାୟକ ନିତ୍ୟାନନ୍ଦ ଗଣ୍ଡ ନିଶ୍ଚୟ ସାମ୍ବାଦିକମାନଙ୍କ ଦାବି ଗୁଡ଼ିକୁ ବିଧାନସଭାରେ ଉପସ୍ଥାପନ କରିବି ବୋଲି ପ୍ରତିଶୃତି ଦେଇଛନ୍ତି । ଏହା ସହିତ ଜିଲ୍ଲାର କେତେକ ବିଶିଷ୍ଟ ବ୍ୟକ୍ତିଙ୍କୁ ଅତିଥି ମାନଙ୍କ ଦ୍ବାରା ମାନପତ୍ର ଦେଇ ସମର୍ଦ୍ଧନା କରାଯାଇଛି । ଏବଂ ଜିଲ୍ଲା ଓ ୟୁଜେ ସାମ୍ବାଦିକ ସଂଘର ସଂଘଠନକୁ କିପରି ସୁଦୃଢ଼ କରିବା ସେ ବିଷୟରେ ଆଲୋଚନା କରାଯାଇଛି ।
ନବରଙ୍ଗପୁରରୁ ତପନ କୁମାର ବିଶୋଇ, ଇଟିଭି ଭାରତ
