ସର୍ବଭାରତୀୟ ସ୍ତରରେ ପେନକାକ ସିଲାଟରେ ମେଡାଲ ବିଜେତାଙ୍କୁ ସମ୍ବର୍ଦ୍ଧନା

ନବରଙ୍ଗପୁରରେ ସର୍ବଭାରତୀୟ ସ୍ତରରେ ମେଡାଲ ବିଜେତା ପେନକାକ ସିଲାଟ (Pencak silat) ଖେଳାଳିଙ୍କୁ ସମ୍ବର୍ଦ୍ଧନା କରାଯାଇଛି । ଅଧିକ ପଢନ୍ତୁ

ନବରଙ୍ଗପୁର: ସର୍ବଭାରତୀୟ ମେଡାଲ ବିଜେତା ପେନକାକ ସିଲାଟ (Pencak silat) ଖେଳାଳିଙ୍କୁ ସମ୍ବର୍ଦ୍ଧନା । ଗତ ଏପ୍ରିଲ ମାସରେ ଜାମ୍ମୁ କାଶ୍ମୀର ଶ୍ରୀନଗର ଠାରେ ଅନୁଷ୍ଠିତ ସର୍ବଭାରତୀୟ ପେନକାକ ସିଲାଟ ପ୍ରତିଯୋଗିତାରେ ନବରଙ୍ଗପୁରର ଖେଳାଳି ଆଶୁତୋଷ ପୂଜାରୀ, ହିମାଂଶୁ ପଟ୍ଟନାୟକ, ଏବଂ ତେଜସ୍ୱିନୀ ପୂଜାରୀ ପ୍ରମୁଖ ମୋଟ ଦୁଇଟି ରୋପ୍ୟ ଓ ଗୋଟି ବ୍ରୋଞ୍ଜ ମେଡାଲ ଜିତିଥିଲେ।

ସେହିପରି ଗତ ସେପ୍ଟେମ୍ବର ମାସରେ ଅନୁଷ୍ଠିତ ପ୍ରତିଯୋଗିତାରେ ଅଂଶୁମାନ ବେହେରା ଏବଂ ହିମାଂଶୁ ପଟ୍ଟନାୟକ ଓଡିଶା ପାଇଁ ମିଳିତ ଭାବରେ ଦୁଇଟି ବ୍ରୋଞ୍ଜ ଆଣି ନବରଙ୍ଗପୁର ଜିଲ୍ଲାକୁ ଗୌରବାନ୍ବିତ କରିଛନ୍ତି । ଏହି ଖବର ଜାଣି ଜିଲ୍ଲାପାଳ ଡକ୍ଟର କୋମଳ ଲୋଚନ ମିଶ୍ର ଖେଳାଳିଙ୍କୁ ଏବଂ ତାଙ୍କ କୋଚ ହରିଷ ବେହେରାଙ୍କୁ ସମ୍ବର୍ଦ୍ଧିତ କରିଥିଲେ। ଏହି ଅବସରରେ ନବରଙ୍ଗପୁର ଉପଜିଲ୍ଲାପାଳ ଅକ୍ଷୟ ସୁନୀଲ ଅଗ୍ରୱାଲ ଓ ପେନକାକ ସିଲାଟ ସଙ୍ଘର ଉପଦେଷ୍ଟା ମନୋଜ କୁମାର ପଟ୍ଟନାୟକ ଉପସ୍ଥିତ ରହି ଖେଳାଳିଙ୍କୁ ଉତ୍ସାହିତ କରିଥିଲେ ।

ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ