ନବରଙ୍ଗପୁର: ବଜ୍ରକାପ୍ତାକୁକୁ ଉଦ୍ଧାର କଲା ବନ ବିଭାଗ । ଯାହାର ଓଜନ 12 କେଜି ହେବ ବୋଲି ଜଣାପଡିଛି । ସୂଚନା ଅନୁସାରେ, ନବରଙ୍ଗପୁର ଜିଲ୍ଲା ମାଙ୍କିଡି ଗାଁ ଭିତରକୁ ଏକ ବଜ୍ରକାପ୍ତା ନିକଟସ୍ଥ ଜଙ୍ଗଲରୁ ଚାଲିଆସିଥିଲା । ଏହାଦେଖି ଗ୍ରାମବାସୀ ବଡ଼ଆମ୍ବଡା ଫାଣ୍ଡି ଓ କୋଷାଗୁମୁଡା ବନବିଭାଗକୁ ଖବର ଦେଇଥିଲେ ।
ଖବର ପାଇ କୋଷାଗୁମୁଡା ବନବିଭାଗ ପକ୍ଷରୁ କୋଡ଼ିଙ୍ଗା ରେଞ୍ଜରଙ୍କ ଏକ ଟିମ ଘଟଣାସ୍ଥଳରେ ପହଞ୍ଚି ଥିଲା । ପରେ ବଜ୍ରକାପ୍ତାଟିକୁ ଉଦ୍ଧାର କରି ବନବିଭାଗ କାର୍ଯ୍ୟାଳୟକୁ ଆଣି ତାର ଚିକିତ୍ସା କରାଯାଇଥିବା ଜଣାପଡିଛି । ଚିକିତ୍ସାର ଆଉ ଗୋଟିଏ ଦିନ ପରେ ତାକୁ ଜଙ୍ଗଲରେ ଛଡ଼ାଯିବ ବୋଲି କୋଡ଼ିଙ୍ଗା ରେଞ୍ଜର ସୂଚନା ଦେଇଛନ୍ତି ।
ନବରଙ୍ଗପୁରରୁ ତପନ କୁମାର ବିଷୋୟୀ,ଇଟିଭି ଭାରତ
