ନବରଙ୍ଗପୁର: କୋରୋନା ମହାମାରୀ ସମୟରେ ଲକଡାଉନ ସାରା ରାଜ୍ୟରେ ଜାରି ରହିଥିବାବେଳେ ସକ୍ରିୟ ହେଉଛନ୍ତି ଅପରାଧୀ । ନବରଙ୍ଗପୁର ଜିଲ୍ଲାରେ ଚୋରା ଗଞ୍ଜେଇ ଚାଲାଣ ହେଉଥିବାବେଳେ ମୈଦଲପୁର ଫାଣ୍ଡି ପୋଲିସ 2 ଚାଲାଣକାରୀଙ୍କୁ ଗିରଫ କରିବା ସହିତ 64 କେଜିର ଗଞ୍ଜେଇ ଜବତ କରିଛି ।
ବୋଲେରୋ ଗାଡିରେ ଗଞ୍ଜେଇ ଚୋରାଚାଲାଣ ହେଉଥିବା ସମ୍ପର୍କରେ ମୈଦଲପୁର ଫାଣ୍ଡି ପୋଲିସ ଖବର ପାଇଥିଲା । ଏହାପରେ ରାସ୍ତାରେ ଗାଡ଼ି ଯାଞ୍ଚ କରିବା ସମୟରେ ଗଞ୍ଜେଇ ଚାଲାଣ ହେଉଥିବା ଉକ୍ତ ବୋଲେରୋ ଗାଡିକୁ ଧରିବାରେ ସଫଳ ହୋଇଛି ପୋଲିସ । ଘଟଣାରେ ପୋଲିସ ଗାଡି ସହ 2 ଜଣ ଅଭିଯୁକ୍ତଙ୍କୁ ଗିରଫ କରିଛି । ଗିରଫ 2 ଅଭିଯୁକ୍ତ ହେଲେ ଡ୍ରାଇଭର ଜାହାଙ୍ଗିର ଆଲମ ଓ ଫିରୋଜ ଆଲାମ । ଉଭୟ ବିହାର ବାସିନ୍ଦା ବୋଲି ଜଣାପଡିଛି ।
ଗାଡିଟି ମାଲକାନଗିରିରୁ ଝାଡଖଣ୍ଡର ପାଳମୁକୁ ଯାଉଥିବା ତଦନ୍ତ ସମୟରେ ପୋଲିସ ଜାଣିବାକୁ ପାଇଥିଲା । ଜବତ ଗଞ୍ଜେଇର ଓଜନ 64 କିଲୋ 200 ଗ୍ରାମ ଥିବା ଜଣାପଡିଛି । ଗଞ୍ଜେଇର ଆନୁମାନିକ ମୂଲ୍ୟ 4 ଲକ୍ଷ ଟଙ୍କା ହେବ। ଏ ସମ୍ପର୍କରେ ପୋଲିସ ତଦନ୍ତ ଜାରି ରଖିଥିବା କହିଛି ।
ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ
