ନବରଙ୍ଗପୁର: ନିଆଁ ଲାଗି ପ୍ରାୟ ୪ ଏକର ଆଖୁ ଫସଲ ନଷ୍ଟ । ନବରଙ୍ଗପୁର ଜିଲ୍ଲା କୋଡ଼ିଙ୍ଗା ଥାନା ଅନ୍ତର୍ଗତ ବାସିନୀ ଗ୍ରାମରେ ଏଭଳି ଅଘଟଣ ଜଣାପଡିଛି । ମିଳିଥିବା ସୂଚନା ଅନୁଯାଇ, ବାସିନୀ ଗ୍ରାମର ଦୁର୍ଯ୍ୟନ ନାୟକ ଓ ଭଗତ ମାଝୀ ଦୁହେଁ ପ୍ରାୟ ୪ ଏକର ଆଖୁଫସଲ କରିଥିଲେ ।
ଉକ୍ତ ଆଖୁ ଫସଲରେ କୌଣସି କାରଣରୁ ନିଆଁ ଲାଗିଯାଇଥିଲା । ଘଟଣାକୁ ନେଇ ନବରଙ୍ଗପୁର ଅଗ୍ନିଶମ ବିଭାଗକୁ ଫୋନ କରିଥିଲେ ଚାଷୀ । ଅଗ୍ନିଶମ ବିଭାଗ ପହଞ୍ଚି ନିଆଁକୁ ଆୟତ୍ତ କରିଥିଲେ ମଧ୍ୟ ପ୍ରାୟ ୬୦ ପ୍ରତିଶତ ନିଆଁରେ ଆଖୁ ପୋଡିଯାଇଥିବା ଚାଷୀ ଦୁହେଁ କହିଛନ୍ତି ।
ଋଣ କରଜ କରି ଦୁହେଁ ଆଖୁ ଚାଷ କରିଥିଲେ । ନିଆଁ ଲାଗିଯିବାରୁ ଦୁଇ ଚାଷୀ ମୁଣ୍ଡରେ ହାତଦେଇ ବସିଛନ୍ତି । ଏଣୁ ଜିଲ୍ଲା ପ୍ରଶାସନ ଉକ୍ତ ଦୁଇ କ୍ଷତିଗ୍ରସ୍ତ ଚାଷୀଙ୍କୁ ସରକାରୀ ସହାୟତା ଯୋଗାଇ ଦେବାକୁ ଦାବି ହୋଇଛି।
ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ
