ରାଇରଙ୍ଗପୁର: ସାମାନ୍ୟ ଘଟଣାକୁ ନେଇ ଯୁବକଙ୍କୁ ମରଣାନ୍ତକ ଆକ୍ରମଣ । ମୟୂରଭଞ୍ଜ ଜିଲ୍ଲା ତିରିଂ ଥାନା ଅନ୍ତର୍ଗତ ଦେଉରାଡିହି ଗ୍ରାମରେ ଦେଖିବାକୁ ଏଭଳି ଘଟଣା । ଗୁରୁତର ଆହତ ହୋଇଥିବା ଯୁବକ ଜଣକ ହେଲେ ଉକ୍ତ ଗ୍ରାମର ଶୁକ୍ରା ଦେହୁରୀ ।
ଭିଡିଓ ସୌଜନ୍ୟ: ପ୍ରତିନିଧି, ରାଇରଙ୍ଗପୁର
ସୂଚନାଯୋଗ୍ୟ, ଘର ନିକଟରେ ଗୋଟିଏ ଠେଙ୍ଗା ପଡିଥିବା ଦେଖି ସମ୍ପର୍କୀୟ ଭିଣୋଇ ଥଳ ଦେହୁରୀଙ୍କୁ ତାଗିଦ କରିଥିଲେ ଶୁକ୍ରା । କିନ୍ତୁ ଝଗଡ଼ା ଏତେ ବଢିଯାଇଥିଲା ଯେ ଏଥିରୁ ଉତ୍ତ୍ୟକ୍ତ ହୋଇ ଏକ କଟୁରୀରେ ଶୁକ୍ରାଙ୍କୁ ଆକ୍ରମଣ କରିଥିଲା ଥଳ ଦେହୁରୀ ।
କଟୁରୀ ଚୋଟରେ ମୁଣ୍ଡରେ ଆଘାତ ଲାଗିଥିବା ବେଳେ ରକ୍ତାକ୍ତ ଅବସ୍ଥାରେ ତଳେ ପଡିଯାଇଥିଲେ ଶୁକ୍ରା । ଗୁରୁତର ଅବସ୍ଥାରେ ସ୍ଥାନୀୟ ଲୋକେ ଉଦ୍ଧାର କରିବ ସହ ରାଇରଙ୍ଗପୁର ଡାକ୍ତରଖାନାକୁ ଆଣିଛନ୍ତି । ସେଠାରେ ତାଙ୍କର ଚିକିତ୍ସା ଜାରି ରହିଥିବା ବେଳେ ତିରିଂ ପୋଲିସ ଏକ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି।
ରାଇରଙ୍ଗପୁରରୁ ସଞ୍ଜୟ କୁମାର ପରିଡା, ଇଟିଭି ଭାରତ
