ରାଇରଙ୍ଗପୁର: ସାମାନ୍ୟ ଭୁଲ ଯୋଗୁ ଟ୍ରେନ ଧକ୍କାରେ ଗଲା ଶ୍ରମିକଙ୍କ ଜୀବନ । ଏଭଳି ଅଘଟଣ ଘଟିଛି ମୟୂରଭଞ୍ଜ ଜିଲ୍ଲା ରାଇରଙ୍ଗପୁର ଛଣୁଆ ଅଞ୍ଚଳରେ। ଉକ୍ତ ଷ୍ଟେସନ ନିକଟ ରେଳ ଧାରଣାରେ ଶ୍ରମିକ ଜଣଙ୍କ କାନରେ ହେଡ ଫୋନ ଲଗାଇ କାମ କରୁଥିବାବେଳେ ଦାମପାହାଡ଼ରୁ ଟାଟା ଫେରୁଥିବା ମାଲବାହୀ ଟ୍ରେନଟି ତାଙ୍କ ଉପରେ ଚଢିଯାଇଥିଲା । ଫଳରେ ଘଟଣାସ୍ଥଳରେ ହିଁ ତାଙ୍କ ପ୍ରାଣବାୟୁ ଉଡିଯାଇଥିଲା ।
ହେଡଫୋନ ହେଲା କାଳ, ଟ୍ରେନରେ କଟି ଯୁବକ ମୃତ
ମୃତ ଶ୍ରମିକ ଜଣକ ଝାଡ଼ଖଣ୍ଡ ଖରସୁଆଁ ଅଞ୍ଚଳର ଅଙ୍କିତ କୁମାର ମିଶ୍ର ଓ ଟାଟା-ବାଦାମପାହାଡ଼ ରେଲୱେ ଲାଇନର ବିଦ୍ୟୁତକରଣ କାର୍ଯ୍ୟରେ ଠିକା କର୍ମଚାରୀ ଭାବରେ କାମ କରୁଥିଲେ ।
ଘଟଣାସ୍ଥଳରେ ମୃତଦେହ ପଡି ରହିଥିବାବେଳେ ସ୍ଥାନୀୟ ଲୋକେ ପରବର୍ତ୍ତୀ ମାଲବାହୀ ଟ୍ରେନକୁ ମଧ୍ୟ ଅଟକ ରଖିଛନ୍ତି ।
ରାଇରଙ୍ଗପୁରରୁ ସଞ୍ଜୟ କୁମାର ପରିଡା , ଇଟିଭି ଭାରତ
