ମୟୂରଭଞ୍ଜ: ଟ୍ରେନ ଆଗକୁ ଡେଇଁ ଯୁବକଙ୍କ ଆତ୍ମହତ୍ୟା । ରେଳ ଧାରଣାରେ ଆତ୍ମହତ୍ୟା କରିବା ଯେମିତି ନିତିଦିନିଆ ଖବର ପାଲଟିଛି । ପୁଣି ଏମିତି ଏକ ଘଟଣା ଦେଖିବାକୁ ମିଳିଛି ମୟୂରଭଞ୍ଜ ଜିଲ୍ଲା ବାରିପଦା ସହର ପାଲବଣୀ ଅଞ୍ଚଳରେ ।
ଭିଡିଓ ସୌଜନ୍ୟ: ସମ୍ବାଦଦାତା, ମୟୂରଭଞ୍ଜ
ଗୁରୁବାର ସକାଳ 10.30ରେ ବାଲେଶ୍ଵରରୁ ବାଙ୍ଗରିପୋଷି ଯାଉଥିବା ଡି.ଏମ.ୟୁ ଲୋକାଲ ଟ୍ରେନ ଆଗରେ ଯୁବକ ଜଣକ ହଠାତ ଡେଇଁ ପଡିଥିଲେ । ଫଳରେ ଯୁବକର ମୁଣ୍ଡ ଗଣ୍ଡି ଅଲଗା ହେବା ସହ ଘଟଣାସ୍ଥଳରେ ହିଁ ଯୁବକଙ୍କ ମୃତ୍ୟୁ ଘଟିଛି ।
ତେବେ ବର୍ତ୍ତମାନ ସୁଦ୍ଧା ମୃତ ଯୁବକର ପରିଚୟ ମିଳି ନ ଥିବାବେଳେ ରେଲୱେ ପୋଲିସ ଘଟଣାର ତଦନ୍ତ ଜାରି ରଖିଛି ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
