ରାଇରଙ୍ଗପୁର: ପୋଲ ତଳୁ ପାଣିରେ ବୁଡି ରହିଥିବା ଅବସ୍ଥାରେ ଜଣେ ଅଜଣା ଯୁବକଙ୍କ ମୃତଦେହ ଉଦ୍ଧାର ହୋଇଛି । ଏହାର କାରଣ ଅସ୍ପଷ୍ଟ ରହିଛି । ମୟୂରଭଞ୍ଜ ଜିଲ୍ଲା ଯଶୀପୁର ଥାନା ଅନ୍ତର୍ଗତ କଣ୍ଟାଶିମିଳା ଗ୍ରାମ ନିକଟସ୍ଥ ଏକ ନାଳରେ ଜଣେ ଯୁବକ ବୁଡ଼ି ରହିଥିବା ଦେଖି ସ୍ଥାନୀୟ ଲୋକେ ପୋଲିସକୁ ଖବର ଦେଇଥିଲେ ।
ପୋଲ ତଳୁ ଅଜଣା ଯୁବକଙ୍କ ମୃତଦେହ ଉଦ୍ଧାର
ସାଇକେଲ ସହ ମୃତଦେହ ମଧ୍ୟ ନାଳରେ ପଡ଼ି ରହିଥିଲା । ଖବର ପାଇ ଯଶିପୁର ଥାନା ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରିବା ସହ ବ୍ୟବଚ୍ଛେଦ ପାଇଁ କରଞ୍ଜିଆ ମେଡିକାଲକୁ ପଠାଇଥିବା ଜଣାପଡିଛି । ସେପଟେ ତାଙ୍କ ପରିଚୟ ନ ମିଳିବା ସହ ମୃତ୍ୟୁର କାରଣ ଅସ୍ପଷ୍ଟ ରହିଥିବାବେଳେ ଯଶିପୁର ଥାନା ପୋଲିସ ଘଟଣାର ତଦନ୍ତ ଜାରି ରଖିଛି ।
ରାଇରଙ୍ଗପୁରରୁ ସଞ୍ଜୟ ପରିଡା, ଇଟିଭି ଭାରତ
