ବାରିପଦା: ଜଣେ ଷଷ୍ଠ ଶ୍ରେଣୀର ଛାତ୍ରୀଙ୍କୁ ଶିକ୍ଷକ ଅସଦାଚରଣ କରିଥିବା ଗ୍ରାମବାସୀ ଅଭିଯୋଗ ଆଣିଛନ୍ତି । ଏଭଳି ଘଟଣା ଦେଖିବାକୁ ମିଳିଛି ବାରିପଦା ସଦର ଥାନା ଅଞ୍ଚଳର ବଡବ୍ରାହ୍ମଣମରା ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟରେ । ସଦର ଥାନା ଭାରପ୍ରାପ୍ତ ଅଧିକାରୀ , ସଦର ଏସଡିପିଓ, ଆଡିସନାଲ ଏସପି ଘଟଣା ସ୍ଥଳରେ ପହଞ୍ଚି ଉତ୍ୟକ୍ତ ଗ୍ରାମବାସୀଙ୍କୁ ବୁଝାସୁଝା କରିବା ସହ ଘଟଣାର ତଦନ୍ତ ଆରମ୍ଭ କରିଛନ୍ତି ।
ସୂଚନା ଅନୁସାରେ, ବୁଧବାର ଏହି ସ୍କୁଲରେ କାର୍ଯ୍ୟରତ ପ୍ରଶାନ୍ତ ଭୁଜବଳ ନାମକ ଜଣେ ଶିକ୍ଷକ ଷଷ୍ଠ ଶ୍ରେଣୀରେ ପଢୁଥିବା ଜଣେ ଛାତ୍ରୀଙ୍କୁ ଅସଦାଚରଣ କରିଥିବା ନିଜେ ଛାତ୍ରୀ ଘରେ ପ୍ରକାଶ କରିଥିଲେ । ଖାଇବା ପାଇଁ ଥାଳି ଆଣିବାକୁ ଆସିଥିବା ସମୟରେ ଏକାକୀ ପାଇ ଅସଦାଚରଣ କରିଥିବା ଛାତ୍ରୀ ଜଣକ ଅଭିଯୋଗ କରିଥିଲେ ।
ଏ ନେଇ ପରେ ଗ୍ରାମବାସୀମାନେ ଆସି ସ୍କୁଲରେ ହୋହଲ୍ଲା କରିଥିଲେ । ଏହା ସହ ଗ୍ରାମବାସୀମାନେ ସ୍କୁଲ ପରିସରରେ ଥିବା ଶିକ୍ଷକଙ୍କ କାରକୁ ଭାଙ୍ଗି ଦେଇଥିଲେ ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
