ବାରିପଦା: ଶପଥ ନେବା ପରେ ପାଞ୍ଚ ଦିନିଆ ମୟୂରଭଞ୍ଜ ଗସ୍ତରେ ଆସିଛନ୍ତି ରାଜସ୍ବ ଓ ବିପର୍ଯ୍ୟୟ ପରିଚାଳନା ମନ୍ତ୍ରୀ ସୁଦାମ ମାରାଣ୍ଡି ।
ରବିବାର ସନ୍ଧ୍ୟା 6ଟାରେ ସୁଦାମ ପ୍ରଥମେ ବାରିପଦା ସହରର ସର୍କିଟ ହାଉସରେ ପହଞ୍ଚିବା ପରେ ଜିଲ୍ଲାର ବିଜୁଜନତା ଦଳର ସଭାପତି ଦେବାଶିଷ ମହାନ୍ତି ସ୍ବାଗତ କରିବା ସହିତ ମୋରଡ଼ା ଓ କରଞ୍ଜିଆର ବିଧାୟକଙ୍କ ସମେତ ବହୁ ବରିଷ୍ଠ ନେତା ଓ ଜନସାଧାରଣ ସମ୍ବର୍ଦ୍ଧନା ଜଣାଇଥିଲେ । ସର୍କିଟ ହାଉସରୁ ବାଇକ ରାଲି ଯୋଗେ ଯାଇ ଶ୍ରୀ ମାରାଣ୍ଡି ବିଜୁ ଗୋଳେଇରେ ବିଜୁ ବାବୁଙ୍କ ପ୍ରତିମୂର୍ତ୍ତୀରେ ପୁଷ୍ପମାଲ୍ୟ ଅର୍ପଣ କରିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ମୟୂରଭଞ୍ଜ
ସୋମବାର ସୁଦାମ ମୟୂରଭଞ୍ଜ ଜିଲ୍ଲାର ବିଭିନ୍ନ ସ୍ଥାନରେ ରାଲିରେ ଯୋଗଦେବାର କାର୍ଯ୍ୟକ୍ରମ ଥିବାବେଳେ ଆସନ୍ତା 4 ତାରିଖ ରାଇରଙ୍ଗପୁର ଅଞ୍ଚଳରେ ଏକ ସରକାରୀ କାର୍ଯ୍ୟକ୍ରମ ଓ ପରେ 6 ତାରିଖ ବାରିପଦାରେ ଏକ ବୈଠକରେ ଯୋଗ ଦେଇ ପୁଣି ଭୁବନେଶ୍ବର ଫେରିଯିବେ ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
