ବାରିପଦା: ଏକ ସ୍କୁଟର ଇଞ୍ଜିନରୁ ଉଦ୍ଧାର ହେଲା ନାଗସାପ । ସ୍କୁଟର ସିଟ ତଳେ ଫସି ଥିବା ନାଗସାପକୁ ଉଦ୍ଧାର କରିଛନ୍ତି ସ୍ନେକ ହେଲ୍ପ ଲାଇନର କ୍ରିଷ୍ଣା ଗୋଛାୟତ । ମୟୁରଭଞ୍ଜ ଜିଲ୍ଲା ବାରିପଦା ସହର ତକତପୁର ଅଞ୍ଚଳରେ ରହୁଥିବା ଜୟକୃଷ୍ଣ ନାୟକଙ୍କ ସ୍କୁଟର ସିଟ ତଳେ ଫସି ଯାଇଥିଲା ନାଗସାପ ।
ଜୟକୃଷ୍ଣଙ୍କ ସ୍କୁଟର ଘର ବାରଣ୍ଡାରେ ଠିଆ ହୋଇଥିବା ବେଳେ ହଠାତ ନାଗ ସାପଟିକୁ ଦେଖି ଭୟଭୀତ ହୋଇଯାଇଥିଲେ । ଘଟଣା ପରେ ତୁରନ୍ତ ସ୍ନେକ ହେଲ୍ପ ଲାଇନର ସଦସ୍ୟ କ୍ରିଷ୍ଣା ଗୋଛାୟତଙ୍କୁ ଖବର ଦିଆଯାଇଥିଲା । ଖବର ପାଇ ଘଟଣାସ୍ଥଳକୁ ପହଞ୍ଚି ନାଗ ସାପକୁ ବାହାର କରିଥିଲେ ଜୟକୃଷ୍ଣ ।
ତେବେ ନାଗସାପଟି ସ୍କୁଟର ସିଟ ତଳେ ଥୁବା ଇଞ୍ଜିନରେ ଫସି ଯାଇଥିବାରୁ ସାପକୁ ସୁରକ୍ଷିତ ଭାବେ ବାହାରକୁ କାଢିଆଣିଥିଲା । ତେବେ ସାପକୁ ବାହାର କରିବା ପାଇଁ ପାଖାପାଖି ଅଧଘଣ୍ଟାରୁ ଊର୍ଦ୍ଧ୍ବ ସମୟ ଲାଗିଥିଲା । ତେବେ ସାପକୁ ସୁରକ୍ଷିତ ଭାବେ ବାହାର କରି ବୁଧବାର ଶିମିଳିପାଳ ଅଭୟାରଣ୍ୟରେ ଛାଡି ଦିଆଯିବ ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
