ବାରିପଦା: ଦ୍ବିତୀୟ ଶ୍ରୀକ୍ଷେତ୍ର ଶ୍ରୀହରିବଳଦେଵ ଜୀଉ ମନ୍ଦିରର ବିଭିନ୍ନ ସମସ୍ୟାକୁ ନେଇ ପଦଯାତ୍ରାରେ ସେବାୟତ । ରାଜରାଜୁଡା ଅମଳର ଦ୍ବିତୀୟ ଶ୍ରୀକ୍ଷେତ୍ର ବାରିପଦା ଶ୍ରୀହରିବଳଦେଵ ଜୀଉ ମହାପ୍ରଭୁଙ୍କ ନୀତିକାନ୍ତି ଓ ସେବାୟତ ନିଯୁକ୍ତିରେ ଲାଗି ରହିଛି ସମସ୍ୟା ।
ଏହା ପୂର୍ବରୁ ବିଭିନ୍ନ ସମସ୍ୟାକୁ ନେଇ ସେବାୟତମାନେ ଗତ ଜୁନ 19 ତାରିଖରେ ବାରିପଦାରୁ ନବୀନ ନିବାସ ଅଭିମୁଖେ ବାହାରିଥିଲେ। ତେବେ ଅଧାବାଟରେ ରାଜସ୍ଵ ମନ୍ତ୍ରୀ ସୁଦାମ ମାରାଣ୍ଡିଙ୍କ ପ୍ରତିଶ୍ରୁତି ପରେ ଫେରିଥିଲେ ସେବାୟତମାନେ । ପରେ ସୁଦାମ ମାଣ୍ଡିଙ୍କ ସହ ନବୀନ ନିବାସ ଯାଇ ଆଲୋଚନା ମଧ୍ୟ କରିଥିଲେ। ଦୀର୍ଘ ଦିନ ବିତିଗଲା ପରେ ମଧ୍ୟ ସମସ୍ୟା ସମ୍ପର୍କରେ କେହି ବି ବୁଝିନଥିଲେ।
ସୋମବାର ପୁଣି ଥରେ ସେବାୟତମାନେ ପଦଯାତ୍ରା ଆରମ୍ଭ କରିଛନ୍ତି । ଆଜି ସକାଳରୁ ବାହାରି ପ୍ରାୟ 25 କିଲୋମିଟର ଚାଲି ଚାଲି ଦାନ୍ତିଆମୁହାଁ ଠାରେ ପହଞ୍ଚିବା ପରେ ଇଟିଭି ପ୍ରତିନିଧି ସମସ୍ୟାରତ ସେବାୟତଙ୍କ ସହ
ଅଧିକ ଆଲୋଚନା କରିଛନ୍ତି ।
ମୟୁରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
