ବାରିପଦା: ଶ୍ୟାମାଖୁଣ୍ଟା ବ୍ଲକର ଭୋଳାଗୋଡ଼ିଆ ଗ୍ରାମରେ ପିଇବା ପାଣି ସମସ୍ୟାକୁ ନେଇ ଗ୍ରାମବାସୀ ଗରା ବାଲ୍ଟି ନେଇ ରାଜରାସ୍ତାକୁ ଓହ୍ଲାଇଛନ୍ତି । ଏହାର ପ୍ରତିବାଦରେ ରାସ୍ତା ଉପରେ ଟାୟାର ଜାଳି ରାସ୍ତା ଅବରୋଧ କରିଛନ୍ତି ।
ଭିଡିଓ ସୌଜନ୍ୟ : ସମ୍ବାଦଦାତା,ମୟୂରଭଞ୍ଜ
ଗ୍ରାମରେ ଦୀର୍ଘ ଦିନ ଧରି ପାନୀୟ ଜଳର ଘୋର ସମସ୍ୟା ଲାଗିରହିଛି । ଗାଁରେ ଥିବା ୩ଟି ନଳକୂପରୁ ଲାଲ ରଙ୍ଗର ପାଣି ବାହାରୁଛି । ଏହା ବ୍ୟବହାରଯୋଗ୍ୟ ନୁହେଁ । ଗୋଟିଏ ନଳକୂପ ଅଚଳ ହୋଇ ପଡିଛି । ପାନୀୟ ଜଳ ପ୍ରସଙ୍ଗରେ ଗ୍ରାମବାସୀ ସ୍ଥାନୀୟ ସରପଞ୍ଚ ଏବଂ ବିଡ଼ିଓଙ୍କୁ ବାରମ୍ବାର ଅଭିଯୋଗ କରିଛନ୍ତି କିନ୍ତୁ ସମସ୍ୟା ସମାଧାନ ହୋଇପାରି ନାହିଁ । ତେବେ ଗ୍ରାମବାସୀ ରାସ୍ତା ରୋକ କରିବା ପରେ କୁଳିଅଣା ପୋଲିସ ସମସ୍ୟାର ସମାଧାନ ପାଇଁ ପ୍ରତିଶ୍ରୁତି ଦେବା ପରେ ରାସ୍ତା ଅବରୋଧ ହଟିଛି ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
