ବାରିପଦା: ମୟୁରଭଞ୍ଜ ଏମପିସି କଲେଜରେ ମୋବାଇଲ ଲାଇଟରେ ଯୁକ୍ତ ଦୁଇ ପରୀକ୍ଷା ଖାତା ଦେଖା ଚାଲିଥିବା ଅଭିଯୋଗ ହୋଇଛି । ତେବେ କର୍ତ୍ତୃପକ୍ଷଙ୍କ କହିବାନୁଯାୟୀ ଖାତା ଦେଖା ସମୟରେ ହଠାତ ଝଡବର୍ଷା ଯୋଗୁଁ କିଛି ସମୟ ପାଇଁ ବିଦ୍ୟୁତ ସରବରାହ ବନ୍ଦ ରହିଥିଲା । ଫଳରେ ମୋବାଇଲ ଟର୍ଚ୍ଚ ଲାଇଟରେ ଖାତା ଦେଖିଥିଲେ ଅଧ୍ୟାପକ ଓ ଅଧ୍ୟାପିକା ।
ଭିଡିଓ ସୌଜନ୍ୟ: ସମ୍ବାଦଦାତା, ମୟୁରଭଞ୍ଜ
ତେବେ ଦିନ 2ଟାରୁ ପାଖାପାଖି 20ରୁ 25 ମିନିଟ ବର୍ଷା ଲାଗିଥିବା ପର୍ଯ୍ୟନ୍ତ ଏଭଳି ପରିସ୍ଥିତି ସୃଷ୍ଟି ହୋଇଥିଲା । ତେବେ ଏହି ସମୟରେ ଖାତା ଦେଖା ବନ୍ଦ କରିବା ପରିବର୍ତ୍ତେ ମୋବାଇଲ ଲାଇଟରେ ଖାତା ଦେଖିଥିଲେ ଅଧ୍ୟାପକ । ବର୍ଷା ପବନ ଛାଡିବା ପରେ ଖାତା ଦେଖା ସ୍ବାଭାବିକ ଚାଲିଥିବା ଅଧ୍ୟାପକ ଓ ଅଧ୍ୟାପିକାମାନେ ସୂଚନା ଦେଇଛନ୍ତି ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
