ମୟୂରଭଞ୍ଜ: ଧରାପଡ଼ିଲା ଚେନ ଲୁଟେରା । ଚେନ ଲୁଟେରାକୁ ଧରି ଉତ୍ତମ ମଧ୍ୟମ ଦେଲେ ଲୋକେ । ରାସ୍ତାରେ ଯାଉଥିବା ଜଣେ ଯୁବତୀଙ୍କ ବେକରୁ ସୁନାଚେନ ଲୁଟି ନେବାବେଳେ ଧରା ପଡିଥିଲା ଲୁଟେରା । ଘଟଣାଟି ଦେଖିବାକୁ ମିଳିଛି ମୟୂରଭଞ୍ଜ ଉଦଳା ଥାନା ଅଞ୍ଚଳରେ ।
ମୟୂରଭଞ୍ଜ ଜିଲ୍ଲା ଉଦଳା ଥାନା ପୂର୍ତ୍ତ ବିଭାଗ ଡାକ ବଙ୍ଗଳା ସମ୍ମୁଖରେ ଜଣେ ଯୁବତୀ ଚାଲି ଚାଲି ଯାଉଥିବା ବେଳେ ଲୁଟେରା ଯୁବତୀଙ୍କ ବେକରୁ ସୁନାଚେନ ଲୁଟ କରିବାକୁ ଉଦ୍ୟମ କରିଥିଲେ । ତେବେ ଯୁବତୀଙ୍କ ବେକରୁ ସୁନାଚେନ ଲୁଟ କରିବା ସମୟରେ ରାସ୍ତାରେ ଯାଉଥିବା ଅନ୍ୟ ଲୋକେ ଲୁଟେରାକୁ ଧରିଥିଲେ । ଏହାପରେ ସେ ଚେନକୁ ଫିଙ୍ଗି ଦେଇ ସେଠାରୁ ଖସି ଯିବାକୁ ଚେଷ୍ଟା କରିଥିଲା । ପରେ ସ୍ଥାନୀୟ ଲୋକେ ତାକୁ ନିର୍ଘାତ ମାଡ ମାରିବା ସହ ପୋଲିସ ଖବର ଦେଇଥିଲେ । ପୋଲିସ ଘଟଣାସ୍ଥଳରେ ପହଞ୍ଚି ଲୁଟେରାକୁ ଉଦ୍ଧାର କରି ଥାନାକୁ ନେଇଛି ।
ତେବେ ଉଦଳାରେ ଲଗାତାର ଚୋରି ବଢ଼ି ଚାଲିଥିବା ବେଳେ ପୁଣି ଚେନ ଲୁଟ ଉଦ୍ୟମ ପୋଲିସ ଉପରକୁ ଆଙ୍ଗୁଳି ନିର୍ଦେଶ କରୁଛି।
ମୟୂରଭଞ୍ଜରୁ ମୃତ୍ୟୁଞ୍ଚୟ ସେନାପତି, ଇଟିଭି ଭାରତ
