ବାରିପଦା: କୋରୋନା ନେଲା ପରିବାରର ରୋଜଗାରିଆ ପୁଅର ଜୀବନ । ଦି ପଇସା ଅଧିକ ରୋଜଗାର କରିବା ଆଶାରେ ରାଜ୍ୟ ବାହାରକୁ ଯାଇଥିବା ଯୁବକର କୋରୋନାରେ ମୃତ୍ୟୁ ହୋଇଛି । ମୟୂରଭଞ୍ଜ ଜିଲ୍ଲା ଉଦଳା ଥାନା ଚିହିରାକୁଳ ଗାଁର ଯୁବକ ସୁଶାନ୍ତ କୁମାର ସେନାପତି ।
କୋରୋନା କୋପ, ହରିୟାଣାରେ ଆଖି ବୁଜିଲେ ମୟୂରଭଞ୍ଜର ଯୁବକ
ଗତ ଜାନୁଆରୀରେ ସୁଶାନ୍ତ ହରିୟାଣାର ଗୁରୁଗ୍ରାମକୁ କାମ କରିବାକୁ ଯାଇଥିଲେ । ସେଠାରେ ସେ କୋରୋନା ପଜିଟିଭ ଚିହ୍ନଟ ହେବା ପରେ ତାଙ୍କୁ ଗତ ୬ ତାରିଖରେ ଗୁରୁଗ୍ରାମର କୋଭିଡ ହସ୍ପିଟାଲରେ ଭର୍ତ୍ତି କରାଯାଇଥିଲା । ଆଉ ରବିବାର କୋଭିଡ ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ଘଟିଛି ।
ସେପଟେ ସୁଶାନ୍ତର ମୃତ୍ୟୁ ଖବର ପାଇବା ପରେ ଡ଼ିହିରାକୁଳ ଗାଁରେ ଶୋକର ଛାୟା ଖେଳିଯାଇଥିବା ବେଳେ ବାପା ମା' ଙ୍କ ଆଖିରୁ ପୁଅର ମୃତ୍ୟୁ ଖବର ଶୁଣି ଶୁଖୁନାହିଁ ଲୁହ । ତେବେ ରୋଜଗାର ପାଇଁ ଯାଇଥିବା ସୁଶାନ୍ତଙ୍କ କୋରୋନାରେ ମୃତ୍ୟୁ ହେବା କାରଣରୁ ପୁଅର ମୃତଦେହ ଦେଖିବାର ସୁଯୋଗ ପାଇନାହାନ୍ତି ବାପା ମା' ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
