ରାଇରଙ୍ଗପୁର : ବିଳମ୍ବିତ ରାତିରେ ଝାଡ଼ଖଣ୍ଡ ପୋଲିସର ଚଢ଼ାଉ । ଦେଶୀ ବନ୍ଧୁକ ସହ ଦୁଇ ଡକାୟତ ଗିରଫ ।
ମୟୁରଭଞ୍ଜ ଜିଲ୍ଲା ଗୋରୁମହିଷାଣି ଥାନା ଅନ୍ତର୍ଗତ ସୁଦର୍ଶନପୁର ଗ୍ରାମରେ ଝାଡଖଣ୍ଡ ପୋଲିସ ବିଳମ୍ବିତ ରାତିରେ ଚଢ଼ାଉ କରିଛି । ଦୁଇ କୁଖ୍ୟାତ ଡକାୟତ ସୁଦର୍ଶନପୁର ଗ୍ରାମରେ ନିଜ ସମ୍ପର୍କୀୟ ଘରେ ଲୁଚି ରହିଥିବା ବେଳେ କୌଣସି ସୁତ୍ରରୁ ଖବରପାଇ ଝାଡ଼ଖଣ୍ଡ ପୋଲିସ ଗୋରୁମହିଷାଣୀ ଥାନା ପୋଲିସର ସହାୟତାରେ ଦୁଇ କୁଖ୍ୟାତ ଡକାୟତକୁ ଗିରଫ କରିବାରେ ସଫଳ ହୋଇଛନ୍ତି ।
ତେବେ ସେମାନଙ୍କ ନିକଟରୁ ଗୋଟିଏ ଦେଶୀ ବନ୍ଧୁକ ଜବତ କରାଯାଇଛି । ଝାଡଖଣ୍ଡ ରାଜ୍ୟର ଡୁମୁରିଆ ଓ ଘୋଡ଼ାବନ୍ଧା ଥାନା ଅଞ୍ଚଳରେ ଡକାୟତ ଘଟଣାରେ ଦୁଇ ଡକାୟତ ସମ୍ପୃକ୍ତ ଥିବା ଜଣାପଡିଛି । ତେବେ ପୋଲିସ ପକ୍ଷରୁ ଦୁଇ ଡକାୟତଙ୍କ ପରିଚୟ ଗୋପନ ରଖାଯାଇଛି ।
ରାଇରଙ୍ଗପୁରରୁ ସଞ୍ଜୟ କୁମାର ପରିଡା, ଇଟିଭି ଭାରତ
