ରାଇରଙ୍ଗପୁର: ମୟୂରଭଞ୍ଜ ଜିଲ୍ଲା ତିରିଂ ଥାନା ଅଞ୍ଚଳରେ ଥମିବାର ନାଁ ନେଉନି ଚୋରି ଘଟଣା । ଝରାଡ଼ିହିରେ ଝରକା ଭାଙ୍ଗି ଘରେ ପଶି ଲକ୍ଷାଧିକ ଟଙ୍କାର ସୁନାଗହଣା ଲୁଟିନେଲେ ଦୁର୍ବୃତ୍ତ।
ଭିଡିଓ ସୌଜନ୍ୟ: ପ୍ରତିନିଧି, ରାଇରଙ୍ଗପୁର
ସୂଚନାମୁତାବକ, ବୁଦ୍ଧିଆ ବେହେରା ପରିବାର ସହ ଝାଡ଼ଖଣ୍ଡ ସ୍ଥିତ ଶଶୁର ଘର ଯାଇଥିବା ବେଳେ ଚୋର ଝରକା ଭାଙ୍ଗି ଘରେ ପଶି ଆଲମିରା ଭାଙ୍ଗି ନଗଦ 40 ହଜାର ଟଙ୍କା ସମେତ ସୁନାଗହଣା ଆଦି ଲକ୍ଷାଧିକ ଟଙ୍କା ଲୁଟି ନେଇଥିବା ଥାନାରେ ଅଭିଯୋଗ ହୋଇଛି । ଏନେଇ ତିରିଂ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
ତେବେ ଝରାଡିହି ଅଞ୍ଚଳରେ ଚୋରି ଜନିତ ଘଟଣା ବଢି ଚାଲିଥିବା ବେଳେ ଘର ଭିତରୁ ଗୋରୁ, ଗାଇ ଓ ଛେଳି ମଧ୍ୟ ଚୋରି ହେଉଛି । ହେଲେ ପୋଲିସ ପ୍ରଶାସନ ଚୋରି ରୋକିବାରେ କିମ୍ବା ଚୋରଙ୍କୁ ଧରିବାରେ ବିଫଳ ହୋଇଥିବା ଜଣାପଡିଛି ।
ରାଇରଙ୍ଗପୁରରୁ ସଞ୍ଜୟ ପରିଡା, ଇଟିଭି ଭାରତ
