ରାଇରଙ୍ଗପୁର: ମୟୂରଭଞ୍ଜ ଜିଲ୍ଲା ବାମନଘାଟି ଉପଖଣ୍ଡରେ ପୁଣି କାଳବୈଶାଖୀର ତାଣ୍ଡବ । ଗୁରୁବାର କାଳବୈଶାଖୀ ପ୍ରଭାବରେ ବାମନଘାଟି ଉପଖଣ୍ଡର ବିଭିନ୍ନ ସ୍ଥାନରେ ପ୍ରବଳ ବେଗରେ ପବନ ବହିବା ସହିତ ବାଦଲଫଟା ବର୍ଷା ଓ କୁଆପଥର ମାଡ଼ ହୋଇଛି ।
ତେବେ ଉପଖଣ୍ଡର ଭଣ୍ଡନ, କଣ୍ଟାଶୋଳା, ଭାଦୁସାହି, ଚାଭଁରାଡିହି, ତଲୋକପୋଖରୀ, ଟିଣାପୋଷି, ବାଗଡେଗା ଆଦି ସ୍ଥାନରେ କୁଆପଥର ମାଡ଼ ଯୋଗୁଁ ଏକର ଏକର ଫସଲ ନଷ୍ଟ ହୋଇଯାଇଛି । ଏସବୁ ଜମିରେ ବ୍ୟାପକ ଖରାଦିନିଆ ପନିପରିବା ଫସଲ ଚାଷ କରାଯାଇଥିଲା । ଯାହାକି ଏବେ ସବୁ ଉଜୁଡିଯାଇଛି ।
କାଳବୈଶାଖୀ ତାଣ୍ଡବରେ ଉଜୁଡିଲା ଏକର ଏକର ଫସଲ, ଭାଙ୍ଗିଲା ଘର
କେବଳ ଫସଲ ନୁହେଁ କୁଆପଥର ମାଡ଼ ଯୋଗୁଁ ବିଭିନ୍ନ ସ୍ଥାନରେ ଘରଦ୍ୱାର ମଧ୍ୟ ଭାଙ୍ଗିଯାଇଛି ।
ରାଇରଙ୍ଗପୁରରୁ ସଞ୍ଜୟ କୁମାର ପରିଡା, ଇଟିଭି ଭାରତ
