ବାରିପଦା: ମୟୂରଭଞ୍ଜ ଜିଲ୍ଲା ଝାରପୋଖରିଆ ଥାନା ନୋହଡାକୋଚା ଗ୍ରାମର ଜଣେ ମାନସିକ ବିକାରଗ୍ରସ୍ତ ଯୁବକଙ୍କ କଦମ୍ବ ଗଛରୁ ଝୁଲନ୍ତା ମୃତଦେହ ଉଦ୍ଧାର । ମୃତକ ଜଣଙ୍କ ହେଲେ ଗୁରୁଭା ମୁର୍ମୁଙ୍କ ପୁଅ ହରି ମୁର୍ମୁ । ତେବେ ମୃତ ଯୁବକ ଜଣଙ୍କ ଜଣେ ମାନସିକ ବିକାର ଗ୍ରସ୍ତ ଥିଲେ ତେବେ କେଉଁ କାରଣରୁ ଆତ୍ମହତ୍ୟା କଲେ ତାହା ଜଣା ପୋଡିନାହିଁ ।
ମୃତକ ହରି ମୁର୍ମୁ ଶନିବାର ସକାଳରୁ ନିଖୋଜ ଥିଲେ । ରାତିରେ ଘର ଲୋକ ଅନେକ ଖୋଜା ଖୋଜି କରିଥିଲେ ହେଲେ ପାଇ ନଥିଲେ । ତେବେ ରବିବାର ସକାଳ ସମୟରେ ଗାଁ ନିକଟ ପୋଖରୀ ପାଖରେ ଥିବା ଏକ କଦମ୍ବ ଗଛରେ ତାଙ୍କର ମୃତଦେହକୁ ଝୁଲନ୍ତା ଆବସ୍ଥାରେ ଦେଖିଥିଲେ । ଏହାପରେ ଗ୍ରାମବାସୀ ମୃତକଙ୍କ ପରିବାର ଲୋକଙ୍କୁ ଖବର ଦେଇଥିଲେ ।
ଝାରପୋଖରିଆ ପୋଲିସ ଘଟଣା ସ୍ଥଳରେ ପହଞ୍ଚି ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ବାରିପଦା ପଣ୍ଡିତ ରଘୁନାଥ ମୁର୍ମୁ ମେଡିକାଲ କଲେଜ ଏଣ୍ଡ ହସ୍ପିଟାଲକୁ ପଠାଇବା ସହ ଏକ ଅପମୃତ୍ୟୁ ମାମଲା ରୁଜୁ କରି ଅଧିକ ତଦନ୍ତ ଆରମ୍ଭ କରିଛି ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
