ଭଞ୍ଜନଗର: ବିଦ୍ୟୁତ ଆଘାତରେ ଯୁବକ ମୃତ । ଗଞ୍ଜାମ ଜିଲ୍ଲା ସୋରଡା ଥାନା ଅଞ୍ଚଳରେ ବିଦ୍ୟୁତ ବିଦ୍ୟୁତ ସଂସ୍ପର୍ଶରେ ଆସି ଯୁବକ ମୃତ୍ୟୁବରଣ କରିଛନ୍ତି । ପୋଲିସ ପହଞ୍ଚି ମୃତଦେହ ଜବତ କରିଛି ।
ବିଦ୍ୟୁତ ସଂସ୍ପର୍ଶରେ ଆସି ଯୁବକ ମୃତ
ସୂଚନା ଅନୁଯାୟୀ ସୋରଡା ଥାନା ଅନ୍ତର୍ଗତ ନୂଆଁ ଖିଲାବାଡି ଗ୍ରାମର ଚଗଲା ନାହାକ ନିକଟରେ ଥିବା ପଦରରେ କାମ କରୁଥିବା ବେଳେ ଏକ କଞ୍ଚା ବାଉଁଶ ଧରି ଫେରୁଥିବା ବେଳେ ପଦର ଉପର ଦେଇ ଯାଇଥିବା ବିଦ୍ୟୁତ ତାର ସଂସ୍ପର୍ଶରେ ଆସି ଗୁରୁତର ହୋଇପଡିଥିଲେ । ତାଙ୍କୁ ଉଦ୍ଧାର କରି ସୋରଡ଼ା ମେଡିକାଲକୁ ଅଣାଯାଇଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ l ଖବର ପାଇ ସୋରଡା ଥାନା ପୋଲିସ ଘଟଣା ସ୍ଥଳରେ ପହଞ୍ଚି ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ଭଞ୍ଜନଗର ପଠାଇ ତଦନ୍ତ ଆରମ୍ଭ କରିଛି ।
ଭଞ୍ଜନଗରରୁ ରଞ୍ଜନସ୍ବାଇଁ,ଇଟିଭି ଭାରତ
