ବାରିପଦା: ଚତୁର୍ଥ ପର୍ଯ୍ୟାୟ ନିର୍ବାଚନ ପାଇଁ ବିଜେପିର ଜୋରଦାର ପ୍ରଚାର । କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ବୁଧବାର ମୟୂରଭଞ୍ଜରେ ମାରାଥନ ପ୍ରଚାର ଓ ରୋଡ୍ ଶୋ’ କରିଛନ୍ତି । ତେବେ ରୋଡ ଶୋ’ କରି ବିଜେପି ପ୍ରାର୍ଥୀଙ୍କୁ ଭୋଟ ଦେବାକୁ ଅନୁରୋଧ କରିଛନ୍ତି ଧର୍ମେନ୍ଦ୍ର ।
ଭିଡିଓ ସୌଜନ୍ୟ: ସମ୍ବାଦଦାତା, ମୟୂରଭଞ୍ଜ
ଜିଲ୍ଲାରେ ପ୍ରଚାର ସାରି ବୁଧବାର ଅପରାହ୍ଣ 5ଟାରେ ଧର୍ମେନ୍ଦ୍ର ବାରିପଦାରେ ରୋଡ ଶୋ' କରିଛନ୍ତି । ଧର୍ମେନ୍ଦ୍ର ପ୍ରଧାନଙ୍କ ସହ ମୟୂରଭଞ୍ଜ ସାଂସଦ ପ୍ରାର୍ଥୀ ବିଶେଶ୍ଵର ଟୁଡୁ, ବାରିପଦା ନିର୍ବାଚନ ମଣ୍ଡଳୀର ବିଧାୟକ ପ୍ରାର୍ଥୀ ପ୍ରକାଶ ସୋରେନ ରୋଡ଼ ଶୋ'ରେ ସାମିଲ ହୋଇଛନ୍ତି । ବାରିପଦା ମଧୁବନ ପଡ଼ିଆରୁ ଆରମ୍ଭ ହୋଇଥିବା ଏହି ରୋଡ ଶୋ’ ସମଗ୍ର ସହର ପରିକ୍ରମା କରିବା ସହ ଶେଷରେ ଛଉ ପଡ଼ିଆରେ ପହଞ୍ଚିଥିଲା । ଏଥିରେ ହଜାର ହଜାର ସଂଖ୍ୟାରେ ବିଜେପି କର୍ମୀ ସାମିଲ ହୋଇଥିଲେ ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
