ମୟୂରଭଞ୍ଜ: କୋରୋନାର ଦ୍ବିତୀୟ ଲହରୀର ଅକ୍ସିଜେନର ଘୋର ଅଭାବ ଦେଖିବାକୁ ମିଳିଛି । ଏ ଭଳି ସ୍ଥିତିରେ ମୟୂରଭଞ୍ଜଜିଲ୍ଲାରେ ଦୁଇଟି ଅକ୍ସିଜେନ ପ୍ଲାଣ୍ଟ ପ୍ରତିଷ୍ଠା ଦାବିରେ ଭଞ୍ଜସେନାର ଆହ୍ବାନ କ୍ରମେ ଘରେ ରହି ପ୍ଲା କାର୍ଡ ଧରି ଦାବି କଲେ ଜିଲ୍ଲାବାସୀ । ପ୍ଲା କାର୍ଡ ଧରି ଦାବି କରିବା ସହ ନିଜ ଫଟୋକୁ ସୋସିଆଲ ମିଡିଆରେ ପୋଷ୍ଟ ମଧ୍ୟ କରିଛନ୍ତି ।
ଅକ୍ସିଜେନ ପ୍ଲାଣ୍ଟ ପ୍ରତିଷ୍ଠା ଦାବିରେ ଘରେ ରହି ଦାବି କଲେ ଜିଲ୍ଲାବାସୀ
ଅକ୍ସିଜେନ ପ୍ଲାଣ୍ଟ ପ୍ରତିଷ୍ଠା ଦାବି ସହ ଜିଲ୍ଲାରେ କୋଭିଡ ଆକ୍ରାନ୍ତ ରୋଗୀଙ୍କୁ ଉପଯୁକ୍ତ ଚିକିତ୍ସା ସେବା ସହ ରୋଗୀଙ୍କ ସମ୍ପର୍କୀୟ ମାନଙ୍କୁ ରୋଗୀଙ୍କ ସମ୍ପର୍କରେ ସଠିକ ତଥ୍ୟ ପ୍ରଦାନ କରିବା ଦାବିରେ ଜିଲ୍ଲାବାସୀ ନିଜ ନିଜ ଘରେ ରହି ଦାବି କରିଛନ୍ତି ।
ମୟୁରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
