ବାରିପଦା:ମୟୁରଭଞ୍ଜ ଜିଲ୍ଲା ବେତନଟୀ ଥାନା ବନ୍ଧସାହି ଗାଁ ବନ୍ଧରୁ ଜଣେ ବ୍ୟକ୍ତିଙ୍କ ମୃତଦେହ ଉଦ୍ଧାର। ମୃତକ ଜଣଙ୍କ ସେହି ଗାଁ ର ମୁନସି ଟୁଡୁ । ସୂଚନା ଅନୁଯାୟୀ ଗତକାଲି ଏହି ବନ୍ଧରେ ମାଛ ଧରା ହେଉଥିଲା ମୁନସି ମଧ୍ୟ ମାଛ ଧରିବାକୁ ଆସିଥିଲେ। ତେବେ ଗତକାଲି ଠାରୁ ମାଛ ଧରିବାକୁ ଆସି ନିଖୋଜ ଥିଲେ ମୃତକ ଜଣଙ୍କ। ପରିବାର ଲୋକ ବହୁ ଖୋଜାଖୋଜି ପରେ ମଧ୍ୟ ମୁନସି ଙ୍କ ପତ୍ତା ପାଇ ନ ଥିଲେ।
ବନ୍ଧରୁ ବ୍ୟକ୍ତିଙ୍କ ମୃତ ଦେହ ଉଦ୍ଧାର
ତେବେ ଆଜି ଗାଁ ଲୋକ ବନ୍ଧ କୁ ଯାଇଥିବା ବେଳେ ବନ୍ଧରେ ମୃତ ଦେହ ଭାସୁଥିବା ଦେଖି ପୋଲିସକୁ ଖବର ଦେଇଥିଲେ। ପୋଲିସ ଘଟଣା ସ୍ଥଳରେ ପହଞ୍ଚି ଅଗ୍ନିଶମ ବିଭାଗ ସାହାଯ୍ୟରେ ମୃତ ଦେହ ଉଦ୍ଧାର କରିଛି। ତେବେ ମୃତକ ଜଣଙ୍କ ବନ୍ଧ ପାଣିରେ ବୁଡି ମୃତ୍ୟ ହୋଇଛି ନା କିଏ ହତ୍ୟା କରିଛି ପୋଲିସ ତଦନ୍ତ ପରେ ସଠିକ ତଥ୍ୟ ପଦାକୁ ଆସିବ।
ମୟୁରଭଞ୍ଜରୁ ମୃତ୍ୟୁଞ୍ଜୟ ମହାପାତ୍ର, ଇଟିଭି ଭାରତ
