ରାଇରଙ୍ଗପୁର: ଦେଶୀ ମଦ କାରଖାନା ଉପରେ ଚଢାଉ । ଦେଶୀ ମଦ ତିଆରି କରୁଥିବା ଏକ ଘରେ ପୋଲିସ ଓ ଅବକାରୀ ବିଭାଗ ଚଢ଼ାଉ କରି ବିପୁଳ ମଦ ରନ୍ଧା ସରଞ୍ଜାମ ସହିତ ୩୦୦୦ ଲିଟର ମହୁଲ ପୋଚ, ୬୦ ଲିଟର ଦେଶୀ ମଦ ଜବତ କରାଯାଇଛି । ମୟୁରଭଞ୍ଜ ଜିଲ୍ଲା ରାଇରଙ୍ଗପୁର ଗ୍ରାମାଞ୍ଚଳ ଥାନା ଅଧିନରେ ଥିବା ପିଠାକୁଟୁଣି ଗ୍ରାମରେ ହୋଇଛି ଏହି ଚଢାଉ ।
ରାଇରଙ୍ଗପୁରରେ ଦେଶୀ ମଦ କାରଖାନା ଉପରେ ଚଢାଉ
ରାଇରଙ୍ଗପୁର SDPO ସ୍ନେହାଶିଷ ସାହୁଙ୍କ ନେତୃତ୍ବରେ ଗଠିତ ଏକ ଟିମ ଏହି ଚଢାଉ କରିଛି । ରାଇରଙ୍ଗପୁର ଗ୍ରାମାଞ୍ଚଳ ଥାନା ଅଧିକାରୀ ପଦ୍ମଲୋଚନ ପାଣିଗ୍ରାହୀ ଓ ରାଇରଙ୍ଗପୁର ଅବକାରୀ ବିଭାଗର ଏସଆଇ ହରିହର ସିଂ ସାମିଲ ହୋଇଥିଲେ । ତେବେ ଯେଉଁମାନେ ଚୋରାରେ ଦେଶୀ ମଦ ତିଆରି କରୁଥିଲେ ସେମାନେ ଫେରାର ହୋଇ ଯାଇଥିବା ଜଣାପଡିଛି । ଏ ନେଇ ରାଇରଙ୍ଗପୁର ଗ୍ରାମାଞ୍ଚଳ ପୋଲିସ ଛାନଭିନ ଜାରି ରଖିଛି ।
ରାଇରଙ୍ଗପୁରରୁ ସଞ୍ଜୟ ପରିଡା, ଇଟିଭି ଭାରତ
