ବାରିପଦା: ଟାଉନ ଥାନା ଅନ୍ତର୍ଗତ ଭୁଗୁଡାକଟାରେ ବଧୂହତ୍ୟା ଅଭିଯୋଗ। ମୃତକ ଜଣକ ଭୁଗୁଡାକଟାର ପ୍ରଶାନ୍ତ ବେହେରାଙ୍କ ସ୍ତ୍ରୀ ପିଙ୍କି ବେହେରା ବୋଲି ଜଣାପଡିଛି । ସ୍ବାମୀ ସହିତ ଶାଶୁଘର ଲୋକେ ଯୋଜନାବଦ୍ଧ ଭାବେ ପିଙ୍କିକୁ ମାରିଦେଇଥିବା ନେଇ ତାଙ୍କର ମାଆ ବାରିପଦା ଟାଉନ ଥାନାରେ ଲିଖିତ ଅଭିଯୋଗ କରିଛନ୍ତି।
ବଧୂହତ୍ୟା ଅଭିଯୋଗ: ସ୍ଵାମୀ, ଦେଢ଼ଶୁର ଓ ଯାଆ ଗିରଫ
ଅଭିଯୋଗ ପରେ ପୁଲିସ ଏହି ଘଟଣାରେ ମାମଲା ରୁଜୁ କରି ତଦନ୍ତ ଆରମ୍ଭ କରିବା ସହ ମୃତ ପିଙ୍କିଙ୍କ ସ୍ବାମୀ ପ୍ରଶାନ୍ତ ବେହେରା, ଦେଢଶୁର ହେମନ୍ତ ବେହେରା ଓ ଯାଆକୁ ଗିରଫ କରିଥିବା ଜଣାପଡିଛି। ବିବାହ ପରେ ପିଙ୍କିକୁ ଶଶୁଘର ଲୋକେ ବାରମ୍ବାର ମାନସିକ ଓ ଶାରିରୀକ ଯନ୍ତ୍ରଣା ଦେଇ ଆସୁଥିବା ଲିଖିତ ଅଭିଯୋଗରେ ଦର୍ଶାଯାଇଛି। ଗିରଫ ତିନି ଜଣଙ୍କୁ କୋର୍ଟ ଚାଲାଣ କରାଯାଇଛି । ମୃତଦେହ ବ୍ୟବଚ୍ଛେଦ ରିପୋର୍ଟ ଆସିବା ପରେ ମୃତ୍ୟୁର କାରଣ ସ୍ପଷ୍ଟ ହେବ ବୋଲି ପୋଲିସ କହିଛି।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
