ବାରିପଦା: ରୋଚକ ସ୍ଥିତିରେ ACFଙ୍କ ମୃତ୍ୟୁ । କଣ ହୋଇଥିଲା ସେଦିନ ଏସିଏଫଙ୍କ ସରକାରୀ ବାସଭବନରେ ? ଯେଉଁ ଦିନ କାଳରାତି ପାଲଟିଥିଲା ସୈମ୍ୟଙ୍କ ପାଇଁ । କେମିତି ନିଆଁ ଲାଗିଲା ସୌମ୍ୟଙ୍କ ଦେହରେ । ତାଙ୍କ ଦେହରେ ନିଆଁ ଲଗାଯାଇଥିଲା ନା କିଏ ତାଙ୍କ ଦେହରେ ନିଆଁ ଲଗାଇଦେଇଥିଲା । ଏହା ହତ୍ୟା ନା ଆତ୍ମହତ୍ୟା । ଯଦି ତାଙ୍କୁ ହତ୍ୟା କରାଯାଇଛି ତେବେ କିଏ ଓ କାହିଁକି ଏପରି କଲା । ଏଭଳି ଅନେକ ପ୍ରଶ୍ନ ଏବେ ସମସ୍ତଙ୍କ ମନରେ । ସେପଟେ ନିଆଁ ଲାଗିବା ସମୟରେ ତାଙ୍କ ସ୍ତ୍ରୀ ବିଦ୍ୟା ଭାରତି ଘରେ ଉପସ୍ଥିତ ଥିଲେ । ଏହି ସମୟରେ ସୌମ୍ୟ ସନ୍ଦେହଜନକ ଭାବେ ପୋଡିଯିବା ଘଟଣାକୁ ସହଜରେ ବିଶ୍ବାସ କରିପାରୁ ନାହାନ୍ତି ତାଙ୍କ ପରିବାର ।
ଏହା ଦୁର୍ଘଟଣାଜନିତ ମୃତ୍ୟୁ ନୁହେଁ ବରଂ ତାଙ୍କୁ ହତ୍ୟା କରାଯାଇଛି । ସେହିପରି ଡିଏଫଓଙ୍କ ସହ ବିଦ୍ୟା ଭାରତୀଙ୍କ ଅନୈତିକ ସମ୍ପର୍କ ଥିବା ସୌମ୍ୟଙ୍କ ପରିବାର ଲୋକେ ଅଭିଯୋଗ କରିଥିଲେ । ତେବେ ଏହାକୁ ବିଦ୍ୟା ଭାରତୀ ଖଣ୍ଡନ କରିଥିବା ବେଳେ ଲାଇଭ ଡିଟେକ୍ସନ କରିବାକୁ ପରିବାର ଲୋକେ ଦାବି କରିଥିଲେ ।
ଏବେ ସୌମ୍ୟଙ୍କ ସ୍ତ୍ରୀ ବିଦ୍ୟାଭାରତୀ ମୟୂରଭଞ୍ଜ କପ୍ତିପଦା ଘରେ ଥିବା ବେଳେ ଆଜି ମିଡିଆ ସାମ୍ନାରେ ମୁହଁ ଖୋଲି ସୌମ୍ୟଙ୍କ ନାଁରେ ଚାଞ୍ଚଲ୍ୟକର ବୟାନ ଦେଇଛନ୍ତି । ସୌମ୍ୟଙ୍କ ନାଁରେ ପାଲଟା ଅଭିଯୋଗ ଆଣି ତାଙ୍କର ଅନ୍ୟ ଝିଅ ସହ ସମ୍ପର୍କ ଥିବା କହିଛନ୍ତି ବିଦ୍ୟା ଭାରତୀ । ଅନ୍ୟପକ୍ଷରେ ବିଦ୍ୟାଭାରତୀଙ୍କ ଶ୍ବଶୁର ଘର ଲୋକେ ମିଥ୍ୟା ଅଭିଯୋଗ କରୁଛନ୍ତି ବୋଲି ସେ କହିଛନ୍ତି। ତେବେ ଏବେ ପ୍ରଶ୍ନ ଉଠୁଛି କିଏ କହୁଛି ସତ ? ବିଦ୍ୟା ଭାରତୀ ନା ସୌମ୍ୟଙ୍କ ପରିବାର । ବ୍ୟାଚଲର ପାର୍ଟି ହୋଇ ନଥିବା ବେଳେ ସାଙ୍ଗ ମାନଙ୍କୁ ବିବାହ ଭୋଜି ଦେଇଥିଲେ ବୋଲି କହିଛନ୍ତି ବିଦ୍ୟାଭାରତୀ ।
ମୟୂରଭଞ୍ଜରୁ ମୃତ୍ୟଞ୍ଜୟ ସେନାପତି, ଇଟିଭି ଭାରତ
