ରାଇରଙ୍ଗପୁର: ମୟୁରଭଞ୍ଜ ଜିଲ୍ଲା କରଞ୍ଜିଆ ଉପକାରାଗାରରୁ ଗତ ୧୬ ତାରିଖରେ ଫେରାର ହୋଇଯାଇଥିବା ଭଗବାନ ଟୁଡୁକୁ ବୁଧବାର ଗିରଫ କରିଛି ପୋଲିସ । ହତ୍ୟା ଅଭିଯୋଗରେ ଆଜୀବନ କାରାଦଣ୍ଡ ଭୋଗୁଥିବା କଏଦୀ ଜଣଙ୍କ ସୁରକ୍ଷାକର୍ମୀଙ୍କୁ ଚକମା ଦେଇ ଚମ୍ପଟ ମାରିଥିଲା ।
ଭିଡ଼ିଓ ସୌଜନ୍ୟ: ପ୍ରତିନିଧି, ରାଇରଙ୍ଗପୁର
ସୂଚନା ଅନୁଯାୟୀ ଭଗବାନ ୨୦୧୭ ମସିହାରୁ ହତ୍ୟା ଅଭିଯୋଗରେ କରଞ୍ଜିଆ ଉପକାରାଗାରରେ ବନ୍ଦୀ ଜୀବନ କାଟୁଛି । ତେବେ ଗତ ୧୬ ତାରିଖ ରାତି ୯ ଟା ସମୟରେ ସେ ଫେରାର ହୋଇଯାଇଥିବା ନେଇ କରଞ୍ଜିଆ ଥାନାରେ ଅଭିଯୋଗ କରିଥିଲେ ଜେଲ୍ କର୍ତ୍ତୃପକ୍ଷ ।
ତେବେ ସ୍ଥାନୀୟ ପୋଲିସର ଏକ ସ୍ବତନ୍ତ୍ର ଟିମ୍ ଫେରାର କଏଦୀକୁ ଯାଜପୁର ଜିଲ୍ଲା କାଳିଆପାଣି ଅନ୍ତର୍ଗତ ଚାତାରସାହିରୁ ଗିରଫ କରିଥିବା ଜଣାପଡ଼ିଛି ।
ରାଇରଙ୍ଗପୁରରୁ ସଞ୍ଜୟ କୁମାର ପରିଡ଼ା, ଇଟିଭି ଭାରତ
