ବାରିପଦା: ଦୀର୍ଘ ଦିନ ଅପେକ୍ଷା ପରେ ଆଜି ଧରାପଡିଛି ଅପହରଣକାରୀ ଯୁବକ । ତେବେ 2ସାଥିଙ୍କ ସହ ବାଇକରେ ଆସି ଦେଶୀ ମଦ ଭାଟିରେ ମଦ ଥିବାବେଳେ ଗାଁ ଲୋକଙ୍କ ନଜରରେ ପଡିଥିଲା । ତାକୁ ଧରିବା ପାଇଁ ଉଦ୍ୟମ କରୁଥିବାବେଳେ ଖସିଯିବାକୁ ଚେଷ୍ଟା କରି ବାଇକରୁ ଖସି ପଡିବା ପରେ ଗ୍ରାମବାସୀ କାବୁ କରିଥିଲେ । ଏହାପରେ ସାହି ମଝିରେ ଥିବା ଏକ ଖୁଣ୍ଟରେ ବାନ୍ଧି ନିସ୍ତୁକ ମାଡ ମାରିଛନ୍ତି । ଏପରି ଘଟଣା ମୟୂରଭଞ୍ଜ ଜିଲ୍ଲା ମୋରଡା ଥାନା ଅନ୍ତର୍ଗତ ସନ୍ୟାସୀ ଗ୍ରାମରେ ।
ଅପହରଣକାରୀ ଗୌତମ ସିଂଙ୍କ ଘର ରୁପସା ଥାନା ଅନ୍ତର୍ଗତ ଲାଛମଣ ଖୁଣ୍ଟା ନିକଟ ବାଉଁଶବଣୀ ଗାଁରେ । କିନ୍ତୁ ଗୌତମ ଶଶୁର ଘର ସନ୍ୟାସୀ ଗାଁରେ ଦୀର୍ଘଦିନରୁ ରହି ଆସୁଥିଲା । ଶଶୁର ଘରେ ରହି ସନ୍ୟାସୀ ଗ୍ରାମର ନାବାଳିକାଙ୍କୁ ପ୍ରେମ ଜାଲରେ ଫସାଇ ପରେ ଅପହରଣ କରି ନେଇ ଯାଉଥିବା ଅଭିଯୋଗ ହୋଇଆସୁଥିଲା ।
କିଛିଦିନ ତଳେ ଏହି ଗ୍ରାମରୁ ପୁଣି ଜଣେ ନାବାଳିକାକୁ ନିଜ ପ୍ରେମ ଜାଲରେ ଫସାଇ ଅପହରଣ କରି ନେଇଥିବା ଗ୍ରାମବାସୀ ଅଭଯୋଗ କରି ଅପହରଣକାରୀଙ୍କୁ ଖୁଣ୍ଟାରେ ବାନ୍ଧି ନିସ୍ତୁକ ମାଡ ମାରିଛନ୍ତି । ତେବେ ମୋରଡା ପୋଲିସ ଖବର ପାଇଁ ଘଟଣାସ୍ଥଳରେ ପହଞ୍ଚି ଅପହରଣକାରୀକୁ ଉଦ୍ଧାର କରି ଥାନାରେ ଅଟକ କରି ଅଧିକ ତଦନ୍ତ ଜାରିରଖିଛି ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
