ରାଇରଙ୍ଗପୁର: ମୟୂରଭଞ୍ଜ ଜିଲ୍ଲା କୁଲଡ଼ିହା ରେଲୱେ ଷ୍ଟେସନ ନିକଟସ୍ଥ କେଶରଗାଡିଆରେ ଟ୍ରେନ ଧକ୍କାରେ ଜଣେ ଯୁବକ ମୃତ । ମୃତ ଯୁବକ ଜଣକ ହେଲେ ବାଦାମପାହାଡ଼ ଥାନା ସୁଲିଦୁମା ଗ୍ରାମର ଭୁଜୁରାମ ମୁର୍ମୁଙ୍କ ପୁଅ ବୀରସିଂ ମୁର୍ମୁ ।
ଟ୍ରେନ ଧକ୍କାରେ ଯୁବକ ମୃତ
ବୀରସିଂ ଗୁରୁବାର ଜାନମଘୁଟୁ ଗାଁକୁ ଯାତ୍ରା ଦେଖିବାକୁ ଯାଇଥିଲେ । ସେଠାରୁ ରାତ୍ରି ପ୍ରାୟ ୨.୦୦ ସମୟରୁ ନିଖୋଜ ଥିବା ବେଳେ ଆଜି ସକାଳୁ ଟାଟା - ବାଦାମପାହାଡ଼ ଟ୍ରେନ ଲାଇନ କେଶରଗଡ଼ିଆ ରେଳ ଧାରଣା କଡ଼ରୁ ଗୁରୁତର ଅବସ୍ଥାରେ ତାଙ୍କୁ ଉଦ୍ଧାର କରାଯାଇଥିଲା । ପରେ ସ୍ଥାନୀୟ ଲୋକେ ୧୦୮ ଆମ୍ବୁଲାନ୍ସ ଯୋଗେ ତାଙ୍କୁ ରାଇରଙ୍ଗପୁର ଡାକ୍ତରଖାନାରେ ଭର୍ତ୍ତି କରିଥିଲା । ତେବେ ଚିକିତ୍ସାଧୀନ ଅବସ୍ଥାରେ ଯୁବକଙ୍କ ମୃତ୍ୟୁ ଘଟିଥିଲା ।
ରାଇରଙ୍ଗପୁରରୁ ସଞ୍ଜୟ କୁମାର ପରିଡା, ଇଟିଭି ଭାରତ
