ରାଇରଙ୍ଗପୁର: ମୟୁରଭଞ୍ଜ ଜିଲ୍ଲାରେ ଧିରେ ଧିରେ ଦୁଷ୍କର୍ମ ମାମଲା ବଢିବାକୁ ଲାଗିଛି । ଅନ୍ୟପଟେ କରଞ୍ଜିଆ ଥାନା ଅଞ୍ଚଳରେ ଏହାର ମାତ୍ରା ଅଧିକ ରହିଥିବା ବେଳେ ପୋଲିସ ପାଇଁ ବର୍ତ୍ତମାନ ଏହା ମୁଣ୍ଡ ବିନ୍ଧାର କାରଣ ପାଲଟିଲାଣି ।
ଦୁଷ୍କର୍ମ ଅଭିଯୋଗରେ ଯୁବକ ଗିରଫ
କରଞ୍ଜିଆ ଥାନା ଅଧୀନରେ ଥିବା ଚାଇଁନେବଦା ଗ୍ରାମର ଗଣେଶ୍ୱର ମହାନ୍ତି ନାମକ ଯୁବକକୁ ଦୁଷ୍କର୍ମ ଅଭିଯୋଗରେ ଗିରଫ କରିଛି ପୋଲିସ । ସେହି ଗ୍ରାମର ଜଣେ ଯୁବତୀଙ୍କୁ ଦୁଷ୍କର୍ମ କରି ୫ ମାସର ଗର୍ଭବତୀ କରିଥିବା ପରିବାର ଲୋକେ ଲିଖିତ ଅଭିଯୋଗ କରିଥିଲେ କରଞ୍ଜିଆ ଥାନାରେ ।
ଅଭିଯୋଗକୁ ଭିତ୍ତିକରି ୧୮୬/୧୯ରେ ଏକ ମାମଲା ରୁଜୁ କରି ଅଭିଯୁକ୍ତକୁ ଗିରଫ କରି ଡାକ୍ତରୀ ମାଇନା କରିବା ପରେ ଗୁରୁବାର କୋର୍ଟ ଚାଲାଣ କରିଛି କରଞ୍ଜିଆ ଥାନା ପୋଲିସ । ସେହିପରି ପୀଡିତାକୁ ମଧ୍ୟ ଡାକ୍ତରୀ ମାଇନା ପରେ ଘରେ ଛାଡ଼ି ଦେଇଥିବା ଥାନା ଅଧିକାରୀଙ୍କ ଠାରୁ ସୂଚନା ମିଳିଛି ।
ରାଇରଙ୍ଗପୁରରୁ ସଞ୍ଜୟ ପରିଡା, ଇଟିଭି ଭାରତ
